તેલંગાણાથી પગપાળા પોતાના ઘર બીજાપુર જવા નિકળેલી બાળકીએ રસ્તામાં જ છોડ્યા પ્રાણ

કોરોના મહામારી કાળ બની લોકોનું જીવન બરબાદ કરી રહ્યું છે. કોરોનાને કારણે ચાલતાં લોકડાઉનમાં કેટલાય લોકો મહામુસીબતનો સામનો કરી રહ્યાં છે. એવામા્ં 12 વર્ષની એક બાળકની તેલંગાણાથી પગપાળા પોતાના ઘર બીજાપુર જતી હતી તે દરમિયાન તેનું મોત થયું હતું.

હૈદરાબાદઃ છત્તીસગઢની એક 12 વર્ષની બાળકી તેલંગાણાથી બીજાપુર પગપાળા પોતાના ઘરે જઈ રહી હતી. જેનું 18 એપ્રિલના રોજ થાક લાગવાને કારણે મોત થયું હતું. લોકડાઉન દરમિયાન આ બાળકી અન્ય 10 લોકો સાથે પગપાળા પોતાના ઘરે જઈ રહી હતી.

પોસ્ટમોર્ટમ રિપોર્ટ બાકી

આ ઘટના અંગે બીજાપુરના સ્વાસ્થ્ય અધિકારીએ કહ્યું કે,' મે હજી બાળકીનો પોસ્ટમોર્ટમ રિપોર્ટ જોયો નથી, પરંતુ બાળકીનું મોત થાક, ઈલેક્ટ્રોલાઈટ અસંતુલન એટલે કે શરીરમાં પાણીની કમી હોવાથી થયું છે.' આ સાથે તેમણે વધુમાં કહ્યું કે આ 11 લોકો તેલંગાણા મરચાના ખેતરમાં કામ કરવા માટે ગયા હતાં.

લોકડાઉનને કારણે પગપાળા ચાલવા લાગ્યાં

સ્વાસ્થય અધિકારીએ જણાવ્યું હતું કે, આ 11 લોકો તેલંગાણા મરચાના ખેતરમાં કામ કરવા માટે ગયા હતાં. એવામાં કોરોના કાળ વરસતા લોકડાઉનની સ્થિતિ આવી ગઈ અને વાહનવ્યવહાર બંધ થવાથી તે લોકો પગપાળા પોતાના ઘર તરફ ચાલવા લાગ્યા હતાં.

અધિરકારીએ વધુમાં જણાવ્યું કે બાળકીનો કોરોના ટેસ્ટ કરવામાં આવ્યો હતો, જેનો રિપોર્ટ નેગેટિવ આવ્યો છે. જેથી હવે પોસ્ટ મોર્ટમ રિપોર્ટ બાદ જ આગળની કાર્યવાહી કરવામાં આવશે.