રાહુલ ગાંધીનો સરકાર પર કટાક્ષ: કહ્યું કોરોના, જીએસટી અને નોટબંધીની નિષ્ફળતા હાર્વર્ડમમાં અધ્યયનનો વિષય હશે

દેશમાં કોરોના વાઈરસનો ઝડપથી વધારો થવાના મુદ્દે કોંગ્રેસના પૂર્વ અધ્યક્ષ રાહુલ ગાંધીએ સોમવારે કેન્દ્ર સરકારની ટીકા કરી હતી.

નવી દિલ્હી: રાહુલ ગાંધીએ સોમવારે દેશમાં કોરોના વાઈરસના કેસમાં ઝડપથી વધારો થવાના મુદ્દે કહ્યું હતું કે, કોવિડ -19, ડિમોનેટાઇઝેશન અને ગુડ્સ એન્ડ સર્વિસ ટેક્સ (જીએસટી)ને લગતી નિષ્ફળતાઓ ભવિષ્યમાં, હાર્વર્ડ બિઝનેસ સ્કૂલના અભ્યાસનો વિષય બનશે.

તેમણે વડાપ્રધાન નરેન્દ્ર મોદીના 21 દિવસમાં કોરોનાને હાર આપીશુના નિવેદનનો એક વીડિયો ટ્વીટ કર્યો હતો, 'ભવિષ્યમાં કોવિડ -19, નોટબંધી અને જીએસટી સંબંધિત નિષ્ફળતાઓ હાર્વર્ડ બિઝનેસ સ્કૂલમાં અભ્યાસનો વિષય હશે.'

સોમવારે દેશમાં કોવિડ -19ના 24,248 નવા કેસ નોંધાયા હતા અને કોવિડ-19ના કારણે વધુ 425 લોકોનાં મોત નીપજ્યાં હતાં. આ સાથે, દેશમાં ચેપગ્રસ્ત લોકો અને મૃત્યુની કુલ સંખ્યા અનુક્રમે 6,97,413 અને 19,693 થઈ ગઈ છે.

કેન્દ્રીય આરોગ્ય મંત્રાલયના જણાવ્યા અનુસાર, આજે સતત ચોથો દિવસ છે, જ્યારે દેશમાં કોવિડ-19ના 20,000થી વધુ કેસ નોંધાયા છે. રવિવારે ભારત વૈશ્વિક રોગચાળાથી સૌથી વધુ અસરગ્રસ્ત દેશોની યાદીમાં રશિયાને પાછળ છોડી ત્રીજા સ્થાને છે. આ સૂચિમાં અમેરિકા પ્રથમ અને બ્રાઝિલ બીજા સ્થાને છે.

સોમવારે સવારે મંત્રાલયે જારી કરેલા છેલ્લા આંકડા મુજબ, ભારતમાં કોવિડ -19ના 24,248 નવા કેસ વધીને કુલ 6,97,413 કેસ નોંધાયા છે. મળતી માહિતી મુજબ દેશમાં કોવિડ -19ના 4,24,432 દર્દીઓ સાજા થયા છે. હાલ દેશમાં 2,53,287 લોકોની સારવાર કરવામાં આવી રહી છે.