બિહારના મુખ્યપ્રધાન નીતીશ કુમારે કેટલાંક જિલ્લાના પુરગ્રસ્ત વિસ્તારોની મુલાકાત લેવા હવાઈ સર્વેક્ષણ કર્યુ હતું.
અહેવાલમાં મળતી વિગતો મુજબ, પૂરથી થયેલા 4 લોકોના મૃત્યુમાં અરરિયામાં 2 લોકો જ્યારે શિવહર અને કિશનગંજમાં 1-1 વ્યક્તિના મોત થયા છે.
રાજ્યના 9 જિલ્લાઓમાં શિવહર, સીતામઢી, પૂર્વી ચંપારણ, મધુબની, અરરિયા, કિશનગંજ, સુપૌલ, દરભંગા અને મુઝફ્ફરપુરના 55 વિભાગોમાં કુલ17,96,535 લોકો પ્રભાવિત થયા છે.
મળતી વિગતો મુજબ, પૂરને કારણે સૌથી વઘુ સીતામઢીમાં લોકો અસરગ્રસ્ત થયા છે. અહિં અંદાજે 11 લાખ લોકો પુરથી પ્રભાવિત થયા છે. જેના બાદ અરરિયામાં 5 લાખ લોકો પુરનો સામનો કરી રહ્યા છે.
પુરથી પ્રભાવિત જિલ્લામાં રાહત અને બચાવ કામગીરી માટે NDRF અને SDRF ની 13 ટીમને તૈનાત કરવામાં આવી છે.
પ્રશાસને 45053 લોકોને આશરો આપવા માટે 152 રાહત શિબિર શરૂ કર્યા છે. જ્યારે 252 જેટલી ભોજન માટેની વ્યવસ્થા કરવામાં આવી છે.
સતત મુશળધાર વરસાદવે કારણે રાજ્યમાં 5 નદીઓ બાગમતિ, કમલા બલાન, લાલબક્યા, અધવારા અને મહાનંદા જેટલી કેટલાંક વિસ્તારોમાં ઉપરથી વહી રહી છે.
પટનાના હવામાન વિભાગ કેન્દ્રએ આગામી ચાર દિવસોમાં અનેક સ્થળોએ વરસાદની આગાહી કરી છે.