ન્યૂઝ ડેસ્ક : બિહાર વિધાનસભાની 243 બેઠક માટે શનિવારે મતદાન પૂર્ણ થઈ ગયું છે. કોરોના મહામારી વચ્ચે બિહાર વિધાનસભાની ચૂંટણી યોજાઇ હતી. જેનું પરિણામ 10 નવેમ્બરના રોજ આવશે. બિહાર વિધાનસભાની ચૂંટણી પરિણામ અંગે વિવિધ મીડિયા અને સર્વે સંસ્થાઓ દ્વારા એક્ઝિટ પોલ જાહેર કરવામાં આવ્યા છે. બિહાર ચૂંટણીમાં દિગ્ગજ નેતાઓની શાખ દાવ પર લાગી છે. એક્ઝિટ પોલના આંકડા સામે આવ્યા બાદ રાજનૈતિક પાર્ટીઓને મહદઅંશે મળનારી બેઠકોની સ્થિતિ સાફ થઇ જશે. જો કે, કોને કેટલી બેઠક મળશે એ તો 10 નવેમ્બરના રોજ યોજાનારી મતગણતરી બાદ ખબર પડી જ જશે. દરેક પાર્ટી પોતાની જીતનો દાવો કરી રહી છે.
બિહાર રાજ્યની 243 વિધાનસભા બેઠકો માટેની મુખ્યત્વે ભાજપ-જેડીયુના રાષ્ટ્રીય લોકતાંત્રિક જોડાણ (એનડીએ) અને આરજેડી-કોંગ્રેસના મહાગઠબંધન વચ્ચે જંગ જામશે. એનડીએએ જનતા દળ યુનાઇટેડ (જેડીયુ)ના નેતા નીતીશ કુમાર બનાવ્યા છે અને મહાગઠબંધન રાષ્ટ્રીય જનતા દળ (આરજેડી)ના તેજસ્વી યાદવને મુખ્યપ્રધાન પદના ઉમેદવાર બનાવશે.