મહેસાણા જિલ્લામાં વડનગર બાદ હવે સતલાસણા તાલુકાના તારંગા અને નેદરડી ખાતે આવેલ પર્વતોની ગિરિમાળા માંથી પુરાતન વિભાગને બૌદ્ધ ઘર્મના પુરાવો મળી આવ્યા હતા. બૌદ્ધ ધર્મની હયાતી હોવાના પુરાવા જેમા ગુફાઓ ,સ્તૂપ અને પ્રાર્થના ખંડ સાથે ૬ ઠી સદીની બૌદ્ધ પ્રતિમાનું મસ્તક મળી આવ્યું હતું.
જિલ્લાની એક નગરી કે જેને ઐતિહાસિક નગરીથી ઓળખવામાં આવે છે એ છે વડનગર અને હા વડનગરની ધરતીના પેટાણમાં સમાયેલો છે અખૂટ ઇતિહીસ, ત્યારે વડનગર માંથી સંશોધન દરમિયાન પુરાતન વિભાગને મળી આવેલા બૌદ્ધ ધર્મના પૌરાણિક પુરાવા બાદ હવે પુરાતન વિભાગે સંશોધનની સીમા લંબાવી છે ત્યારે તારંગામાં પૌરાણિક તારણ ધારણ માતા મંદિર વિસ્તારમાં પર્વતીય વિસ્તારમાં ખોદકામ કરી બૌદ્ધ સ્તૂપ પ્રાર્થના ખંડ અને ગુફાઓ ઉપરાંત સતલાસણાના નેદરડી ગામે થી ૧૫૦૦વર્ષ પ્રાચીન બૌદ્ધ પ્રતિમા મળી આવી હતી. જેને જોતા અહીના વિસ્તારમાં પણ બૌદ્ધ સાથે સંકળાયેલો ઈતિહાસ હોવાનું માનવામાં આવી રહ્યું છે. જોકે પુરાતન વિભાગની તપાસમાં તે મસ્તક બુદ્ધ ભગવાનની પ્રતિમાનું હોવાનું અને છઠ્ઠી સદીની હોવાનું માનવામાં આવી રહ્યું છે. જે દેવનીમોરી માંથી મળી આવેલ બુદ્ધ પ્રતિમાના સમાન હોય તેના પર વધુ સંશોધન કરવામાં આવી રહ્યું છે.