મહારાષ્ટ્ર અને હરિયાણામાં 21 ઓક્ટોબરે ચૂંટણી, 24 ઓક્ટોબરે મતગણતરી

નવી દિલ્હીઃ દેશમાં ત્રણ રાજ્યોમાં વિધાનસભાની ચૂંટણી યોજાવાની છે, ત્યારે કેન્દ્રીય ચૂંટણી પંચ આજે મહારાષ્ટ્ર અને હરિયાણા વિધાનસભા ચૂંટણી માટે તારીખોની જાહેરાત કરી હતી. આ અંગે ચૂંટણી પંચ બપોરે 12 વાગ્યે પ્રેસ કોન્ફરન્સ યોજી હતી. આ પત્રકાર પરિષદમાં બંને રાજ્યોમાં એક જ તબક્કામાં ચૂંટણી યોજાશે તેવી જાહેરાત થઈ હતી. મહારાષ્ટ્ર અને હરિયાણામાં 21 ઓક્ટોબરે ચૂંટણી યોજાશે અને 24 ઓક્ટોબરે મતગરણતરી થશે. આ ઉપરાંત ગુજરાતની ચાર બેઠકોની ચૂંટણી પણ આ જ તારીીખે થશે.

ચૂંટણી પંચે આજે પત્રકાર પરિષદમાં જાહેરાત કરી હતી કે..

• મહારાષ્ટ્ર અને હરિયાણામાં આજથી આચારસંહિતા લાગુ
• મહારાષ્ટ્રની 288 વિધાનસભા બેઠકો પર યોજાશે ચૂંટણી
• મહારાષ્ટ્રમાં મતદાતાઓની સંખ્યા 8.94 કરોડ
• 1.8 લાખ EVM મશીનનો થશે ઉપયોગ
• હરિયાણામાં 90 વિધાનસભા બેઠકો પર યોજાશે ચૂંટણી
• બંને રાજ્યોની ચૂંટણી હશે પ્લાસ્ટિક મુક્ત
• 30 દિવસમાં ઉમેદવારોએ ચૂંટણી ખર્ચનો હિસાબ આપવો પડશે
• મહારાષ્ટ્રમાં 9 નવેમ્બર સુધીનો કાર્યકાળ
• હરિયાણામાં 2 નવેમ્બર સુધીનો કાર્યકાળ
• હરિયાણામાં 1.28 કરોડ મતદાર
• ઉમેદવારો માટે ચૂંટણી ખર્ચની સીમા 28 લાખ
• 21 ઓક્ટોબરે બંને રાજ્યમાં મતદાન થશે
• 24 ઓક્ટોબરે મતગણતરી કરાશે
• 5 ઓક્ટોબરે ઉમેદવારી પત્રની ચકાસણી કરાશે
• 27 ઓક્ટોબરે જાહેર થશે નોટિફિકેશન
• ગુજરાતની 4 બેઠકો ઉપર યોજાશે પેટા ચૂંટણી

ગુજરાતની આ બેઠકો પર યોજાશે ચૂંટણી

1. લુણાવાડા : ભાજપના ધારાસભ્ય રતનસિંહ રાઠોડ પંચમહાલ લોકસભા બેઠક પરથી ચૂંટાતા બેઠક ખાલી પડી.
2. અમરાઈવાડી : ભાજપના ધારાસભ્ય એચ.એસ.પટેલ અમદાવાદ પૂર્વ લોકસભા બેઠક પરથી ચૂંટાતા બેઠક ખાલી પડી.
3. ખેરાલુ : ભાજપના ભરતસિંહ ડાભી પાટણ લોકસભા બેઠક પરથી ચૂંટાતા બેઠક ખાલી પડી.
4. થરાદ : ભાજપના ઉમેદવાર પરબત પટેલ બનાસકાંઠા લોકસભા બેઠકમાં વિજેતા બનતા બેઠક ખાલી પડી.