દ્વારકા ઇસ્કોન દ્વારા 10 લાખ લોકોને ઓનલાઇન દર્શનનો લાભ મળશે

છેલ્લા 7 વર્ષથી ભવ્ય રીતે ભગવાન શ્રીકૃષ્ણનો જન્મોત્સવ ઉજવી રહેલા દિલ્હીના દ્વારકામાં આવેલા ઇસ્કોન મંદિરમાં દર વર્ષે 3થી 4 લાખ ભક્તો દર્શન માટે આવતા હોય છે. પરંતુ આ વર્ષે કોરોના મહામારીને લઈને ફક્ત 10 હજાર લોકો જ દર્શન કરી શક્યા છે. તેવામાં ભક્તોની આસ્થાને લઈને દ્વારકા મંદિર વ્યવસ્થાપકો દ્વારા ઓનલાઇન દર્શન કરવાની વ્યવસ્થા કરવામાં આવી છે.

નવી દિલ્હીઃ દ્વારકા ઇસ્કોન મંદિરના અધ્યક્ષ પિયુષ ગોયલે જણાવ્યું હતું કે શ્રીકૃષ્ણ લીલા, દર્શન, અભિષેક તેમજ આરતીના દર્શન માટે ઓનલાઈન વ્યવસ્થા ઉભી કરવામાં આવી રહી છે. આ દ્વારા લગભગ 10 લાખ જેટલા લોકો લાઇવ દર્શન, અભિષેક, અને આરતી જોઇ શકશે.

આ ઉપરાંત દક્ષિણ અને પશ્ચિમ દિલ્હીના લોકોની સહાય દ્વારા દ્વારકા ઇસ્કોનમાં 1 લાખ 8 હજાર વ્યંજનો વડે ભગવાનને ભોગ ચડાવવામાં આવશે. જન્માષ્ટમીના પાવન અવસરે સમગ્ર મંદિર પરિસરને ભવ્ય રીતે શણગારવામાં આવ્યું છે.