દિલ્હી કસ્ટમ વિભાગે 20 લાખથી વધુનું સોનુ ઝડપ્યું, બેની ધરપકડ

IGI એરપોર્ટ પર કસ્ટમ અધિકારીઓએ રિયાધથી દિલ્હી આવનારા બે યાત્રિકોને સોનાની દાણચોરી કરતા ઝડપી લીધા છે. તેમની પાસેથી અધિકારીઓએ 4 ગોલ્ડ બિસ્કિટ જપ્ત કર્યા છે જેનું વજન 406 ગ્રામ જેટલું છે.

નવી દિલ્હીઃ ઈન્દિરા ગાંધી આંતરરાષ્ટ્રીય હવાઈ મથક પર કસ્ટમ વિભાગના અધિકારીઓને બાતમી મળી હતી કે રિયાધથી બે યાત્રિકો સોનું લઇને આવી રહ્યા છે. જેવા આ યાત્રિકોએ ગ્રીન ચેનલ ક્રોસ કરી તેવા તરત જ અધિકારીઓએ તેમને ઝડપી લીધા હતા અને તેમના સામાનની તપાસ કરી હતી. જેમાંથી કુલ 406 ગ્રામ વજનના 4 સોનાના બિસ્કિટ મળી આવ્યા હતા.

રૂપિયા 20 લાખ 56 હજારની કિંમતનું આ સોનું તેમની પાસે ક્યાંથી આવ્યું તેની પૂછપરછ હાથ ધરતા યાત્રિકો ન તો અધિકારીઓને વ્યવસ્થિત જવાબ આપી શક્યા, ન તો કોઈ ડોક્યુમેન્ટ આપી શક્યા હતા.

અધિકારીઓએ સોનાના બિસ્કીટને જપ્ત કરી બંને પ્રવાસીઓની ધરપકડ કરી છે.