નવી દિલ્હી : દિલ્હીમાં કોરોનાથી હાલત ખરાબ થઈ રહી છે. જેની તપાસ હવે દિલ્હીના મુખ્યપ્રધાન કેજરીવાલ સુધી આવી ગઈ છે. સીએમ કેજરીવાલમાં કોરોના જેવા લક્ષણો જોવા મળી રહ્યા હતા. જે બાદ તેમને આઈસોલેટ કરવામાં આવ્યા છે. મંગળાવારે સવારે તેમનો કોરોના ટેસ્ટ થયો હતો. ત્યારે હવે રિપોર્ટની રાહ જોવાઈ રહી હતી જે હાલ નેગેટીવ આવ્યો છે. હવે દિલ્હી વાસીઓ માટે કોરોના સામે લડવા કેજરીવાલ ફરીથી મેદાનમાં આવી જશે.
અરવિંદ કેજરીવાલની તબિયતને લઈ જેવી ખબર આવી કે, ત્યાર બાદ તેમના સ્વાસ્થ્યને લઈ અનેક નેતાઓએ ચિંતા વ્યક્ત કરી હતી. દિલ્હીમાં ભાજપના નવા અધ્યક્ષ આદેશ ગુપ્તા અને જૂના દોસ્ત કુમાર વિશ્વાસે પણ કેજરીવાલના જલ્દી સારા સ્વાસ્થ્યની કામના કરી છે. તો કેજરીવાલે પણ પોતાની તમામ મીટિંગો રદ કરી દીધી હતી અને પોતાની જાતને આઈસોલેટ કરી દીધા છે.