જયપુરઃ અશોક ગહેલોત રવિવાર રાત્રે રાજ્યમાં કોરોના સંક્રમણની સ્થિતિ, નો માસ્ક-નો એન્ટ્રી અને શુદ્ધ માટે યુદ્ધ અભિયાનની સમીક્ષા કરી રહ્યા હતા. મુખ્યપ્રધાનની બેઠકમાં અનલોક-6ની ગાઈડલાઈન પર પણ ચર્ચા કરવામાં આવી હતી. આ બેઠકમાં મુખ્યપ્રધાને ફટાકડાના ધુમાડાથી કોરોના વાઈરસથી સંક્રમિત લોકો તેમજ સામાન્ય લોકોના સ્વાસ્થયને લઈ રાજ્ય સરકારે ફટાકડાના વેચાણ પર તેમજ આતિશબાજી કરવા પર પ્રતિબંધ લગાવ્યો છે. તેમજ ધુમાડાથી પ્રદુષણ ફેલાવનારા વાહનો પર કાર્યવાહી કરવાના આદેશ આપ્યા છે.
દીવાળી પર લોકો આતિશબાજીથી બચે
અશોક ગહેલોતે કહ્યું કે, કોરોના મહામારીના આ પડકારમાં પ્રદેશવાસીઓના જીવનની રક્ષા સરકાર માટે સર્વેપરી છે. તેમણે કહ્યું કે, આતિશબાજીથી નીકળનાર ધુમાડાના કારણે કોરોના સંક્રમિત દર્દીની સાથે શ્વાસની બિમારીના રોગીઓને મુશ્કેલીનો સામનો કરવો પડે છે. ત્યારે દીવાળી પર લોકો આતિશબાજીથી બચે. મુખ્યપ્રધાન ગહલોતે ફટાકડાના વેચાણ માટે અસ્થાયી લાયસન્સ પર પ્રતિબંધ લગાવવાના આદેશ આપ્યા છે. તેમણે કહ્યું કે, લગ્ન તેમજ અન્ય સમારોહમાં પણ આતિશબાજી રોકવામા આવે.