હાથરસ કેસ: CJIએ ઘટનાને આઘાતજનક ગણાવી, 3 મુદ્દે UP સરકાર પાસે માગ્યું સોગંદનામું

હાથરસ ગેંગરેપ કેસમાં આજે સુપ્રીમ કોર્ટમાં સુનાવણી થઈ હતી. કોર્ટે સાક્ષીઓ અને પરિવારની સુરક્ષાને લઈને ઉત્તરપ્રદેશ સરકાર પાસે સોગંદનામું માગ્યું છે. હવે આ મામલે આગામી સુનાવણી 12 ઓક્ટોબરે થશે.

નવી દિલ્હીઃ હાથરસ ગેંગરેપ કેસમાં આજે સુપ્રીમ કોર્ટમાં સુનાવણી થઈ હતી. કોર્ટે સાક્ષીઓ અને પરિવારની સુરક્ષાને લઈને ઉત્તરપ્રદેશ સરકાર પાસે સોગંદનામું માગ્યું છે. હવે આ મામલે આગામી સુનાવણી 12 ઓક્ટોબરે થશે. હાથરસ ગેંગરેપ કેસમાં અલગ અલગ પિટિશનો પર આજે સુપ્રીમ કોર્ટમાં સુનાવણી થઈ હતી. સુપ્રીમ કોર્ટે યુપી સરકારને ત્રણ મુદ્દા જેવા કે, સાક્ષીઓ અને પરિવારની સુરક્ષા, પીડિત પરિવાર પાસે વકીલ છે કે નહીં અને ઈલ્હાબાદ હાઈકોર્ટનું સ્ટેટસ શું છે. આ મામલે સોગંદનામું દાખલ કરવા માટે કહ્યું છે. જ્યારે આ મામલે આગામી સુનાવણી 12 ઓક્ટોબરે હાથ ધરાશે.

સુનાવણી દરમિયાન ચીફ જસ્ટિસ ઓફ ઈન્ડિયા એસ.એ. બોબડેએ આ કેસને આઘાતજનક કેસ ગણાવ્યો હતો. પિટિશન કરનારના વકીલ તરફથી કોર્ટની દેખરેખમાં તપાસ કરવાની વાત કેહાવમાં આવી છે. આના પર સીજેઆઈએ પૂછ્યું કે ઈલ્હાબાદ હાઈકોર્ટ કેમ ના ગયા. સુનાવણીની શરૂઆત યુપી સરકાર તરફથી દલીલ કરી રહેલા સોલિસિટર જનરલ તુષાર મહેતાએ કરી હતી. તેમણે કહ્યું કે, અમે આ પિટિશનનો વિરોધ નથી કરી રહ્યા, પરંતુ સમાજમાં જેવી રીતે ભ્રમ ફેલાવવામાં આવી રહ્યો છે. અમે તેના વિશે સત્ય બહાર લાવવા માગીએ છીએ. પોલીસ અને એસઆઈટીની તપાસ ચાલી રહી છે. તેમ છતાં અમે સીબીઆઈ તપાસની માગ કરી રહ્યા છીએ. સોલિસિટર જનરલ તુષાર મહેતાએ કહ્યું, સુપ્રીમ કોર્ટ આને મોનીટર કરે અને સીબીઆઈ તપાસ થાય. આના પર પિટિશન કરનારાના વકીલ ઈન્દિરા જયસિંહે કહ્યું, પીડિત પરિવાર સીબીઆઈ તપાસથી સંતુષ્ટ નથી. તેઓ કોર્ટની દેખરેખમાં એસઆઈટી તપાસ માગી રહ્યા છે. આ વિશે સુપ્રીમ કોર્ટે પૂછ્યું કે, તમારી માગ તપાસને ટ્રાન્સફર કરવાની છે કે ટ્રાયલને ટ્રાન્સફર કરવાની?

સીજેઆઈ એસ.એ. બોબડેએ કહ્યું, આ ઘટના ખૂબ જ અસાધારણ અને ચોંકાવનારી છે. એટલે કે જ અમે તમને સાંભળી રહ્યા છીએ. નહીં તો અમને એ પણ નથી ખબર તમે લોકલ છો કે નહીં. અમે એ નથી કહી રહ્યા કે આ ચોંકાવનારો મામલો નથી. અમે આ કેસમાં તમારી ભાગીદારીની પ્રશંસા નહીં કરીએ, પરંતુ તે કહેવા માંગીએ છીએ કે અરજદારનું આમાં સ્થાન નથી. ત્યારબાદ દલીલ કરતા વકીલ કીર્તિસિંહે કહ્યું, કોર્ટની મહિલા વકીલ તરફથી બોલી રહી છું. અમે દુષ્કર્મથી જોડાયેલા કાયદાઓ પર ઘણું અધ્યયન કર્યું છે, પરંતુ આ ખૂબ જ ધ્રુજાવી દે તેવી ઘટના છે.

સીજેઆઈ એસ.એ. બોબડેએ કહ્યું, દરેક વ્યક્તિ કહી રહ્યો છે કે આ ઘટના ધ્રુજાવી દે તેવી છે. અમે પણ એ માનીએ છીએ. એટલે જ તમને સાંભળી રહ્યા છીએ, પરંતુ તમે અલ્હાબાદ હાઈકોર્ટ કેમ ના ગયા? જે દલીલી અહીં થઈ શકે તે હાઈકોર્ટમાં પણ થઈ શકે છે. આ મામલે સુનાવણી હાઈકોર્ટ કરે તો કેવું રહે? તમામ દલીલોને સાંભળ્યા બાદ સીજેઆઈએ કહ્યું, અમે પીડિત પક્ષ અને સાક્ષીઓની સુરક્ષાને લઈને યુપી સરકારના નિવેદનને નોંધીએ કે તમે સોગંદનામું રજૂ કરો છો ?

આના પર એસજી તુષાર મહેતાએ કહ્યું, કાલ સુધી દાખલ કરી દઈશું. સીજેઆઈએ કહ્યું, ઠીક છે. તમે સાક્ષીઓની સુરક્ષાને લઈને વ્યવસ્થા અને પીડિતોની સુરક્ષાને લઈને સોગંદનામામાં પૂર્ણ જાણકારી આપો. સુપ્રીમ કોર્ટે કહ્યું તેઓ સુનિશ્ચિત કરશે કે હાથરસ મામલામાં તપાસ યોગ્ય રીતે ચાલે. હવે આ મામલે વધુ સુનાવણી આવતા અઠવાડિયે થશે.