કોચી: દેશમાં ચાલી રહેલા કોરોનાના લોકડાઉન દરમિયાન સામૂહિક પ્રાથના સભા પર પ્રતિબંધ હોવા વિલિંગ્ડનના એક ચર્ચમાં જૂથ ભેગુ કરવા બદલ બુધવારે એક ખ્રિસ્તી પાદરીની ધરપકડ કરવામાં આવી હતી.
કેરળના ચર્ચમાં પ્રાર્થના સભાનું આયોજન, પાદરી સહિત 7ની ધરપકડ - priest charged under IPC section 188
કોરોના રોગચાળાને કારણે દેશભરમાં લોકડાઉન વચ્ચે કેરળના કોચિમાં સ્ટેલા મેરીસ ચર્ચ ખાતે બુધવારે સવારે એક પ્રાર્થના સભા યોજાઇ હતી. જેથી સ્થાનિક પોલીસ દ્વારા આ ઘટના અંગેની માહિતી મેળવી ફાધર ઓગસ્ટિન સાથે છ અન્યની ધરપકડ કરવામાં આવી છે.
કેરળના ચર્ચમાં પ્રાર્થના સભાનું આયોજન, પાદરી સહિત 7ની ધરપકડ
આજે સવારે સ્ટેલા મેરીસ ચર્ચમાં માસની ઉજવણી કરવા માટે પાદરી સાથે છ અન્ય લોકોની ધરપકડ કરવામાં આવી હતી. પોલીસે આઈપીસી કલમ 188 અને કેરળમાં વટહુકમ સંબંધિત પ્રતિબંધિત કલમ તોડવા હેઠળ આરોપ લગાવ્યાં છે.
જો કે, હાલ પાદરી સહિત અન્યને પોલીસ સ્ટેશનમાંથી જામીન પર મુક્ત કરવામાં આવ્યા હતાં. હવે પોલીસ વધુ તપાસ કરી કાયદેસરની કાર્યવાહી કરી રહી છે.