ભુલકાંઓના ભોજનમાં ભ્રષ્ટાચારઃ મિર્જાપુરની શાળામાં બાળકો મીઠુ અને રોટલી ખાવા મજબૂર

મિર્જાપુરઃ પ્રાથમિક શાળાઓમાં વિદ્યાર્થી મધ્યાહન ભોજન હેઠળ કરોડો રુપિયાનું આંધણ કરાઈ છે. બાળકોને ભોજનમાં શું આપવું તેનું ચોક્કસ મેનુ બનાવાયું છે. પરંતુ વાસ્તિવિકતા ચોંકાવનારી છે. ભારતના સૌથી મોટા રાજ્ય ઉત્તરપ્રદેશના મિર્જાપુરમાં બાળકોને જમવામાં માત્ર મીઠું અને રોટલી અપાઈ છે. Etv Bharatએ આ ભ્રષ્ટાચારનો પર્દાફાશ કર્યા પછી તંત્ર દોડતુ થયું છે. જિલ્લા કલેક્ટરે કસુરવારોને સસપેન્ડ કરી દીધા છે.

ગરીબ વર્ગના બાળકો શિક્ષણ મેળવતાં થાય, શાળામાં આવતા થાય તેના ઉપાય સ્વરુપે મધ્યાહન ભોજન યોજના શરુ થઈ હતી. પ્રત્યેક બાળકને ગરમ, પૌષ્ટિક આહાર મળે તે માટે ખાસ વ્યવસ્થા ગોઠવાઈ છે. કરોડો રુપિયાની ગ્રાન્ટ વપરાય છે. પરંતુ, ભ્રષ્ટાચારીઓએ નાના ભુલકાઓના ભોજન પર પણ તરાપ મારી રહ્યા છે.

ઉત્તરપ્રદેશના મિર્જાપુર ગ્રામસભા હિનૌતાની સીયૂર પ્રાથમિક શાળાના દ્રશ્યો ગુસ્સો અને સંવેદના બંને પેદા કરે તેવા છે. આ શાળામાં અભ્યાસ કરતાં બાળકોને એક વર્ષથી મધ્યાહન ભોજનના નામે ક્યારેક મીઠુ અને રોટલી તો ક્યારેક મીઠુ અને ભાત જ ખવડાવાઈ છે. ગરીબ બાળકો ખાધુ ન ખાધુ કરી ભુખ્યા પેટે જ શિક્ષણ મેળવવા મજબૂર બન્યા છે.

આ અંગે મધ્યાહન ભોજનના ઈન્ચાર્જને પુછતાં તેમણે હાથ ઉપર કરી લીધા હતાં. શાળામાં મુખ્યશિક્ષક ન હોવાથી કોઈપણ ટિપ્પણી આપવાનું ટાળ્યુ હતું.

Etv Bharat એ સમગ્ર ઘટનાનો અહેવાલ પ્રસારિત ભ્રષ્ટાચારની પોલ ખોલી હતી. ત્યારપછી વહીવટીતંત્રની આંખ ખુલી હતી. જિલ્લા કલેક્ટરે શાળાના હેડ માસ્તર અને એક શિક્ષકને સસપેન્ડ કર્યા છે. આ ઉપરાંત પ્રાથમિક શિક્ષણાધિકારીને કારણદર્શક નોટિસ ફટકારી છે.