હિમાચલ પ્રદેશમાં કાર 300 ફુટ ઊંડા ખાડામાં ખાબકી, 5 યુવકોના મોત

હિમાચલ પ્રદેશઃ સોલન જિલ્લામાં રોડ અકસ્માતમાં 5 લોકોના મોત નિપજ્યા હતા. કાર ચાલકે સ્ટીયરીંગ પરનો કાબુ ગુમાવતા તેમની કાર 300 ફુટ ઊંડી ખાઈમાં પડી હતી. આ અકસ્માતમાં 5 લોકોના ઘટના સ્થળે જ મોત નિપજ્યા હતા. પાંચેય મૃતકો હરિયાણાના રહેવાસી હતા.

રવિવારે હરિયાણાનાં 5 યુવકો શિમલા ફરવા આવ્યા હતા. તેમનો આ શિમલા પ્રવાસ જીવનો અંતિમ પ્રવાસ બની ગયો હતો. મળતી માહિતી મુજબ સોલનના કંડાઘાટમાં કાર લઈ આ યુવકે પસાર થઈ રહ્યા હતા. જે દરમિયાન કાર ચાલકે સ્ટીયરીંગ પરનો કાબુ ગુમાવતા તમની કાર 300 ફુટ ઊંડી ખાઈમાં પડી હતી. જેમાં 5 લોકોના મોત નિપજ્યા હતા.

હરિયાણા પાસિંગની કાર સોલન જિલ્લાના કાંડાઘાટ સ્થિત દેધગરાટ નજીક કાર ચાલકે કાબુ ગુમાવ્યો હતો. જે કાર આશરે 300 ફૂટ ઉંડા ખાડામાં પડી ગઈ હતી, જેમાં પાંચ લોકોનાં મોત નીપજ્યાં હતાં. કારમાં ફક્ત પાંચ લોકો હતા, જે તમામ પાંચેય લોકો હરિયાણાના હતા. પોલીસ અકસ્માતની માહિતી મળતા ઘટનાસ્થળે પહોંચી હતી. જ્યાં પોલીસે મૃતદેહોનો કબજો મેળવી આગળની કાર્યવાહી શરૂ કરી છે.

રવિવાર સવારે ઘાસ કપવા આવેલા એક વ્યક્તિએ ખાણમાં પલ્ટી ખાધેલી કારને જોઈ હતી. જે બાદ તેને સ્થાનિક લોકોની મદદથી પોલીસને આ ઘટના અંગે સૂચના આપી હતી.

આ તમામ લોકો શનિવારે શિમલા પ્રવાસ માટે ઘરેથી નીકળ્યા હતા. આ કેસની પુષ્ટિ ASP ડૉ. શિવકુમાર શર્મા દ્વારા કરવામાં આવી છે, તેમણે જણાવ્યું હતું કે પોલીસને અકસ્માતની જાણ થતાં જ પોલીસ તાત્કાલિક ઘટના સ્થળે પહોંચી ગઈ હતી.