CAPF કેન્ટીનમાં હવે ફક્ત સ્વદેશી ઉત્પાદનો વેચાશે: શાહ

કોરોના વાઇરસે દેશભરમાં દહેશત મચાવી છે. કેન્દ્ર અને રાજ્યની સરકાર આને પહોંચી વળવા માટે તમામ પ્રયત્નો કરી રહી છે. દરમિયાન કેન્દ્રીય ગૃહ પ્રધાન અમિત શાહે કહ્યું હતું કે, હું દેશની જનતાને પણ અપીલ કરું છું કે તમે દેશમાં બનેલા ઉત્પાદનોનો વધારેમાં વધારે ઉપયોગ કરો અને બીજાને પણ તે કરવા માટે પ્રોત્સાહિત કરો.

નવી દિલ્હી: કેન્દ્રીય ગૃહ પ્રધાન અમિત શાહે લોકોને દેશમાં બનેલા ઉત્પાદનોનો ઉપયોગ વધુ કરવાની અપીલ કરી છે. તેમણે કહ્યું કે, તમારે તમામ સ્વદેશી ઉત્પાદનોનો ઉપયોગ કરવો જોઈએ અને બીજાને પણ પ્રોત્સાહન આપવું જોઈએ.

તેમણે કહ્યું કે, ગૃહ મંત્રાલયે નિર્ણય લીધો છે કે, તમામ સેન્ટ્રલ સશસ્ત્ર પોલીસ દળ (CAPF)ની કેન્ટીનમાં ફક્ત દેશી ઉત્પાદનો વેચવામાં આવશે. આ 1 જૂન, 2020થી દેશભરની તમામ CAPF કેન્ટીન પર લાગુ થશે.

ગૃહપ્રધાને કહ્યું કે, માનનીય વડા પ્રધાન મોદીએ દેશને આત્મનિર્ભર બનાવવા અને સ્થાનિક ઉત્પાદન (ભારતમાં બનાવેલા ઉત્પાદન)નું ઉપયોગ કરવા અપીલ કરી હતી, જે આવનારા સમયમાં ભારતને વિશ્વનું નેતૃત્વ કરવા ચોક્કસપણે માર્ગ મોકળો કરશે.

તેમણે ટ્વિટ કરીને લખ્યું છે કે, 'હું દેશની જનતાને પણ અપીલ કરું છું કે તમે દેશમાં બનેલા ઉત્પાદનોનો બને ત્યાં સુધી ઉપયોગ કરો અને અન્ય લોકોને પણ પ્રોત્સાહિત કરો. જો દરેક ભારતીય ભારતમાં બનાવેલા ઉત્પાદનો (સ્વદેશી)નો ઉપયોગ કરવાનું વચન આપશે, તો દેશની લોકતંત્ર પાંચ વર્ષમાં આત્મનિર્ભર થઈ શકે છે.

તેમણે બીજા એક ટ્વિટમાં લખ્યું, 'આ દિશામાં ગૃહ મંત્રાલયે નિર્ણય લીધો છે કે, તમામ સેન્ટ્રલ સશસ્ત્ર પોલીસ દળ (CAPF) કેન્ટિન્સ હવે ફક્ત સ્વદેશી ઉત્પાદનોનું જ વેચાણ કરશે. આ 1 જૂન, 2020થી દેશભરની તમામ CAPF કેન્ટીન પર લાગુ થશે. આ સાથે લગભગ 10 લાખ સીએપીએફ જવાનોના 50 લાખ પરિવારો સ્વદેશી ઉપયોગ કરશે.