બી.એસ.એફ.ના જવાનોએ 2 બાંગ્લાદેશી મહિલાઓને માનવ તસ્કરોથી બચાવી

બી.એસ.એફ.ની રાણાઘાટ બોર્ડર ચોકીના એક ટુકડીએ સર્ચ ઓપરેશનમાં બે બાંગ્લાદેશી મહિલાઓને માનવ તસ્કરોથી બચાવી લીધી છે. પારલરમાં કામ કરવાનું વચન આપીને વેશ્યાવૃત્તિના ધંધામાં ફેંકી દેવાનો પ્રયત્ન કરવમાં આવી રહ્યો હતો.

દિલ્હી: બી.એસ.એફના પ્રવક્તાએ જણાવ્યું હતું કે રંગઘાટ ચોકીના કમાન્ડરને મહિલાઓની તસ્કરી વિશે જાણકારી મળી હતી. જે બાદ કમાન્ડરે એક ટુકડી મોકલીને ઘટના વિશે તપાસના આદેશ આપ્યા હતા.

જ્યારે ટુકડી રાત્રિના અંધારામાં એક મોટર સાઇકલ જોઈ ત્યારે તેમને ઉભો રહેવા કહ્યું હતું. જેમાં તેઓ મોટર સાયકલ મુકી ભાગ્યા હતા. જોકે બાઈક સવાર ભાગવામાં સફળ રહ્યો હતો પણ બે મહિલાઓની ધરપકડ કરવામાં આવી હતી.

પકડાયેલી મહિલાઓને પૂછપરછ કરવામાં આવતા તેમણે જણાવ્યું હતું કે તેઓ બાંગ્લાદેશને રહેવાસી છે અને બ્યુટીપાર્લરમાં કામ કરવા માટે ભારત લાવવામાં આવી રહ્યા હતા.

મહત્વનું છે કે ભારત બાંગ્લાદેશ બોર્ડર પર માનવ તસ્કરી મોટા પાયે ચાલી રહી છે. જેને રોકવા માટે બી.એસ.એફ અને સ્થાનિક પોલીસ કાર્ય કરી રહી છે, છેલ્લા એક મહિનામાં માનવ તસ્કરીની આ છઠ્ઠી ઘટના છે.