જયપુર બોમ્બ બ્લાસ્ટના આરોપીને 32 અલગ અલગ અપીલ રજૂ કરવા કોર્ટે સમય આપ્યો

રાજસ્થાન હાઈકોર્ટે જયપુર બોમ્બ બ્લાસ્ટના આરોપીને નવેમ્બરના અંતિમ સપ્તાહ સુધી આ કેસમાં 32 અલગ અલગ અપીલ દાખલ કરવા માટે સમય આપ્યો છે. મુખ્ય ન્યાયાધીશ ઇન્દ્રજિત મહાનતા અને ન્યાયાધીશ પ્રકાશ ગુપ્તાની ડિવિઝન બેન્ચે આરોપીઓના મૃત્યુ સંદર્ભમાં દાખલ અરજીની સુનાવણી દરમિયાન આ આદેશ આપ્યો છે.

જયપુર: અરજીમાં જણાવાયું છે કે, આ કેસમાં આરોપી વતી 8 કેસ માટે અલગ અલગ 32 અપીલ દાખલ કરવાની રહેશે. જેથી અપીલ રજૂ કરવામાં વધારે સમય લાગવાની સંભાવના છે. આ સાથે સુપ્રીમ કોર્ટના નિર્દેશ અનુસાર તમામ દસ્તાવેજો અંગ્રેજીમાં અનુવાદિત કરવાની વિનંતી કરવામાં આવી છે. આ અંગે સુનાવણી કરતી વખતે કોર્ટે નવેમ્બરના છેલ્લા અઠવાડિયા સુધી કેસની સુનાવણીને મુલતવી રાખી છે.

13 મે 2008ના રોજ, શહેરમાં એક બોમ્બ બ્લાસ્ટ થયો હતો. જેમાં 12થી વધુ લોકોના મોત થયા હતા એન મોટી સંખ્યામાં લોકો ઘાયલ થયા હતા. ગયા વર્ષે 20 ડિસેમ્બરે બોમ્બ બ્લાસ્ટ કેસમાં વિશેષ અદાલતે શાહબાઝ હુસેન, મોહમ્મદ સૈફ, સૈફુર ઉર્ફે સેફુર્રહમાન, સલમાન અને સરવર આઝમીને ફાંસીની સજા સંભળાવી હતી.