ભાજપની કેન્દ્રીય ચૂંટણી સમિતિએ હરિયાણાના 8, UP અને રાજસ્થાનના 4 4, મધ્યપ્રદેશ અને ઝારખંડના 3 3, પશ્ચિમ બંગાળ અને ઓડિશાના 1 1 ઉમેદવારોના નામ સામેલ છે. ઉમા ભારતી પહેલા જ લોકસભા ચૂંટણી ન લડવાની જાહેરાત કરી ચૂંકી છે. વર્ષ 2014માં તેમણે ઝાંસી લોકસભા બેઠક પરથી ચૂંટણી જીતી હતી. આ વખતે ભાજપે અનુરાગ શર્માને ટિકિટ આપી છે.
ભાજપે UPમાં બાંદા લોકસભા બેઠકથી સાંસદ ભૈરોં પ્રસાદ મિશ્રને પડતા મકીને તેમના સ્થાને આર.કે પટેલને ટિકિટ આપી છે. લાલગંઝ બેઠક પર નીલમ સોનકરને એકવાર ફરી ચૂંટણી મેદાનમાં ઉતારવમાં આવ્યા છે. ફૂલપુરમાં પેટાચૂંટણી હારી મેળવનાર કેશરી દેવી પટેલને ટિકિટ આપવામાં આવી છે.
હરિયાણામાં ત્રણ વર્તમાન સાંસદોને પડતા મુકીને ભાજપે જે 8 નામ જાહેર કર્યા છે. રતન લાલ કટારિયાને અંબાલા, રમેશ ચંદ્ર કૌશિકને સોનીપત, કેન્દ્રીય પ્રધાન રાવ ઇન્દ્રજિત સિંઘને ગુડગાવ, ધર્મવીર સિંહને ભિવાની મહેંદ્રગઢ અને કુષ્ણાપાલ ગુર્જરને ફરિદાબાદમાં ટિકિટ આપી છે.
કરનાલથી અશ્વિની કુમારને પડતા મુકીને તેમના સ્થાને સંજય ભાટિયાની પંસદગી કરવામાં આવી છે. કુરુક્ષેત્રમાં રાજકુમાર સૈનીનું પત્તુ કાપીને નાયબ સિંહ અને સિરસાથી સુનીતા દુગ્ગલની જગ્યાએ ચરણજીત સિંહની રોરીને ટિકિટ આપવામાં આવી છે. રાજકુમાર સૈનીએ ભાજપ સાથે બગાવત કરીને અલગ પાર્ટી બનાવી લીધી છે.