મદ્રાસ ઉચ્ચ ન્યાયાલયે કેન્દ્રને 'ટીક ટોક' પર પ્રતિબંધ મુકવા આપ્યો આદેશ

ચેન્નઇ: મદ્રાસ ઉચ્ચ ન્યાયાલયે કેન્દ્ર સરકારને ભારતમાં ટીક ટોક એપને ટાઉનલોડ કરવા પર પ્રતિબંધ લગાડવા આદેશ કર્યો છે. તથા મીડિયામાં પણ આ એપ થકી વીડિયોનો પ્રસારણ ન કરવા આદેશ આપ્યો છે. કોર્ટે આ અંગે કહ્યું કે આ એપ દ્વારા યુવા વર્ગ પર ખરાબ અસર થઇ રહી છે તથા બાળકોને માનસિક રીતે નુકસાન કરી રહી છે.

એક વકીલ દ્વારા દાખલ અરજી પર સુનાવણી કરતા મદ્રાસ ઉચ્ચ ન્યાયાલયે મદુર પીઠને કેન્દ્ર સરકારને ભારતમાં આ એપને ડાઉનલોડ કરવા પર પ્રતિબંધ લગાડવા આદેશ આપ્યો હતો. આ સાથે જ મીડિયાને પણ આ એપ દ્વારા કોઇ પણ પ્રસારણ ન કરવા આદેશ આપ્યો હતો.

આ અગાઉ તમિલનાડુના માહિતી ટેકનોલોજી પ્રધાન એમ માનિકાંદનએ કહ્યું કે રાજ્ય આ એપ પર પ્રતિબંધ મુકવા માટે કેન્દ્ર સરકારને પત્ર દ્વારા રજૂઆત કરશે. ટીક ટોક યૂજર્સને શોર્ટ વીડિયો શૂટ કરવા તથા તેને અન્ય લોકો સાથે શેયર કરવાની સુવિધા આપે છે.