ગુવાહાટી: નોવેલ કોરોના વાઈરસનો પ્રકોપ ભારતના પૂર્વોત્તર ક્ષેત્રમાં પણ ફેલાયો છે. શનિવારે આસામમાં કોવિડ -19નો વધુ એક સકારાત્મક કેસ નોંધાયો છે, જેની સાથે કુલ સંખ્યા વધીને 25 થઈ ગઈ છે.
મળતી માહિતી પ્રમાણે, કોરોના પોઝિટિવ આવનાર દર્દી દિલ્હીના નિઝામુદ્દીન મરકઝ ખાતે તબલીગી જમાતમાં પણ હાજર હતો. આસામના આરોગ્ય પ્રધાન હિંંમત બિસ્વા શર્માએ ટ્વિટર પર લખ્યું હતું કે, “આસામના ઉત્તર લખમિપુર જિલ્લામાં વધુ એક COVID-19 પોઝિટિવ નોંધાયો છે. જેની સાથે આસામમાં કુલ સંખ્યા 25ની હોવાની પુષ્ટિ થઈ છે. આ દર્દી નિજામુદ્દીન મરકઝની જમાત સાથે સંબંધિત છે.“