72 હજાર રુપિયાની કોંગ્રેસની જાહેરાત પ્રજાને છેતરવાનો પ્રયાસ: અરુણ જેટલી

નવી દિલ્હીઃ કોંગ્રેસ અધ્યક્ષ રાહુલ ગાંધીના 5 કરોડ ગરીબ પરિવારોને વાર્ષિક 72 હજાર રૂપિયા આપવાની જાહેરાત પર કેન્દ્રીય નાણાપ્રધાન અરૂણ જેટલી દ્વારા પ્રતિક્રિયા આપવામાં આવી છે.

ભાજપ મુખ્યાલયમાં પ્રેસ કોન્ફરન્સને સંબોધતા જેટલીએ જણાવ્યું કે, "કોંગ્રેસ પાર્ટીનો ઈતિહાસ રહ્યો છે કે, ગરીબોને નારા આપો પણ સાધન ન આપો. કોંગ્રેસ દ્વારા 2008માં દેવામાફી માટે 70 હજાર કરોડનું દેવું માફ કરવાની વાત કરવામાં આવી હતી, પરંતુ દેવામાફી માત્ર 52 હજાર કરોડની જ કરવામાં આવી અને તે પણ દિલ્હીના વેપારીઓની જ."

આ ઉપરાંત જેટલીએ જણાવ્યું કે, "કોંગ્રેસ ગરીબી હટાઓના નામે ચૂંટણી જીતી હતી, પરંતુ તેમના કાર્યકાલમાં માત્ર ગરીબીનું જ વિતરણ થયું છે."