ઝારખંડના સેનાના જવાનનું જમ્મુમાં મોત, પત્નીએ પણ કરી આત્મહત્યા

રાંચી: ઝારખંડ રાજ્યના ચાન્હો પોલિસ વિસ્તારના બડીયા બહેરા ટોલી ગામના રહેવાસી સેનાના જવાનનું બજરંગ ભગત જમ્મૂમાં મોત થયું હતું.1 જાન્યુઆરીના રોજ બજરંગ ભગતનો પાર્થિવ શરીર તેમના ગામમાં લાવવામાં આવ્યો હતો. જે બાદ આ સમાચારથી તેમના પત્નીને આધાત લાગતા તેમણે પણ આત્મહત્યા કરી હતી.

જવાનના અવસાનના સમાચાર સાંભળીને તેમની પત્નીને આધાત લાગ્યો હતો અને તેમણે કુવામાં કુદીને આત્મહત્યા કરી લીધી હતી. મનીતાના લગ્ન બે વર્ષ આગાઉ બજરંગ સાથે થયા હતા. બજરંગના ઘરમાં એકનો એક પુત્ર હતો. પિતાના નિધન બાદ તેમનું પણ મોત નિપજ્યું હતું. જે બાદ ઘરમાં તેમના માતા અને બજરંગના પત્ની રહેતા હતા. જોકે પતિના મૃત્યુના સમાચાર સાંભળતા તેમણે પણ આત્મહત્યા કરી હતી.

પરિવારજનોએ જણાવ્યું કે, 29 ડિસેમ્બરના રોજ રાત્રે 10 વાગ્યે બજરંગથી તેમની વાત થઇ હતી. સવારે તેમને સમાચાર મળ્યા કે, તેઓનું સુતા-સુતા જ મોત થયું હતું. તેઓ 2012માં આર્મીમાં જોડાયા હતા. ત્યારે પરિવારજનોએ જણાવ્યું કે, છેલ્લી વખત જ્યારે તેમની વાત થઇ હતી. ત્યારે તેઓ સારા હતા અને અચાનક જ તેમના મોતના સમાચાર મળ્યા હતા.