બિહારમાં માઓવાદીઓના શસ્ત્રો અને દારૂગોળો જપ્ત

સશસ્ત્ર સીમા બળ (SSB) અને બિહાર પોલીસની સંયુક્ત ટીમે બિહારના તાંતી ગામે દરોડા પાડ્યા હતા. જેમાં પ્રતિબંધિત સંગઠન CPI(M)નાં હથિયારો તેમજ દારૂગોળોનો જથ્થો કબજે કર્યો હતો.

બિહાર: ગયા જિલ્લાના એક ગામમાંથી પ્રતિબંધિત સંગઠન કોમ્યુનિસ્ટ પાર્ટી ઓફ ઈન્ડિા માઓવાદી(CPI(M)) સાથે જોડાયેલા હથિયારો અને દારૂગોળોનો જથ્થો ઝડપાયો છે. આ SSBના એક અધિકારીએ શનિવારે આ બાબતે માહિતી આપી હતી.

સૂચનાના આધારે કાર્યવાહી કરતા, સશસ્ત્ર સીમા બળ (SSB) અને બિહાર પોલીસની સંયુક્ત ટીમે શુક્રવારે રાત્રે તાંતી ગામે દરોડા પાડ્યા હતા. આ દરમિયાન એક ઈંટના ભઠ્ઠામાંથી શસ્ત્રો અને દારૂગોળો અને માઓવાદી સાહિત્યનો જથ્થો કબ્જે કરવામાં આવ્યો હતો.

SSBની 29મી બટાલિયન કમાન્ડર રાજેશ કુમારસિંહે જણાવ્યું હતું કે, દરોડા દરમિયાન કોઈની ધરપકડ કરવામાં આવી ન હતી.