UP કોંગ્રેસ અધ્યક્ષ અજય કુમાર લલ્લુની એકવાર ફરી પોલીસે કરી ધરપકડ

UP કોંગ્રેસ અધ્યક્ષ અજય કુમાર લલ્લુની ફરી એકવાર ધરપકડ કરાઈ છે. તેઓ 'બલિદાન દિવસ' કાર્યક્રમમાં અંતર્ગત જતાં આદિવાસીને મળવા જતાં હતા તે દરમિયાન જ પોલીસે રસ્તામાં રોકીને તેમની ધરપકડ કરી હતી.

ઉત્તરપ્રદેશઃ પોલીસે એકવાર ફરી ઉત્તર પ્રદેશના કોંગ્રેસ અધ્યક્ષની ધરપકડ કરાઈ છે. મળતી માહિતી પ્રમાણે, તેઓ સોનભદ્રમાં પ્રદેશ સરકારના શોષણનો ભોગ બનેલા આદિવાસીઓના બલિદાનની યાદમાં 17 જુલાઈએ યોજાનાર 'બલિદાન દિવસ' કાર્યક્રમ અંતર્ગત તે પીડિતોને મળવા જઈ રહ્યાં હતા. તે દરમિયાન પોલીસે તેમને રસ્તામાં રોકીને તેમની ધરપકડ કરી હતી.

આ અંગે ઉત્તર પ્રદેશ કમિટીના મીડિયા સંયોજક લલન કુમારે જણાવ્યું હતું કે, UP કોંગ્રેસના અધ્યક્ષ અજય કુમાર લલ્લૂને પોલીસ દળ દ્વારા રસ્તામાં રોકીને ગોપીગંજ ગેસ્ટહાઉસમાં રાખવામાં આવ્યા છે.

આ પહેલા પણ ઉત્તર પ્રદેશ કોંગ્રેસ અલ્પસંખ્યક વિભાગના અધ્યક્ષ શાહનવાઝ આલમની ધરપકડ સામે 30 જૂને પણ લલ્લુની ધરપકડ કરાઈ હતી, ત્યારે તે લખનઉમાં વિધાનસભામાં ઘેરાવ કરવા જઈ રહ્યાં હતા અને પોલીસે કોંગ્રેસ કાર્યાલયની બહાર જ તેમની અટકાયત કરી હતી.

નોંધનીય છે કે, પરપ્રાંતિય મજૂરને પ્રિયંકા ગાંધી દ્વારા બસ સેવા કરાવવાની બાબતે પણ અજય કુમાર લલ્લુની ઉત્તર પ્રદેશ- રાજસ્થાન બૉર્ડર પર ધરપકડ કરી હતી.