અમદાવાદ-મુંબઇ બુલેટ ટ્રેન પ્રોજ્કેટથી રસ્તાઓ બ્લોક થવા પર વિવાદ

નવી દિલ્હી: વડાપ્રધાન નરેન્દ્ર મોદીનું સપનું બુલેટ ટ્રેન પ્રોજેક્ટ જે જલ્દીથી જ પુરું થવા જઇ રહ્યું છે. પરંતુ, જો મહારાષ્ટ્રમાં શિવસેના- કોંગ્રેસ-NCP સતામાં આવે તો નેશનલ હાઇ-સ્પીડ રેલવે કોર્પ (NHSRCL) હેઠળના પ્રોજેક્ટથી બ્લોક થઇ રહેલા રસ્તાઓને અડચણરૂપ બની શકે તેમ છે.

મોદી અને જાપાનના વડાપ્રધાન શિંઝો આબેએ સાથે મળીને અમદાવાદમાં સપ્ટેમ્બર, 2017માં બુલેટ ટ્રેન પ્રોજેક્ટનો શિલાયન્સ કર્યો હતો.

મળતી માહિતી મુજબ, 'ગત્ત અઠવાડિયે ત્રણેય પાર્ટીની બેઠક દરમિયાન, અમદાવાદ-મુંબઇ બુલેટ ટ્રેન પ્રોજેક્ટ વિશે ચર્ચા કરવામાં આવી હતી. તેમાં NCPના નેતાઓને જણાવ્યું હતું કે, કેન્દ્ર સરકાર મુજબ મહારાષ્ટ્ર સરકાર કુલ 1.08 લાખ કરોડના ખર્ચામાંથી 5000 કરોડનો ખર્ચ ઉપાડશે' અને એકવાર સરકાર બની ગયા બાદ જ અમે કોઇ નિર્ણય પર આવીશું અને કેન્દ્ર સરકારને જણાવીશું કે, રાજ્ય સરકાર હાઇ-સ્પીડ ટ્રેન પ્રોજેક્ટના ખર્ચને ઉપાડીશું નહીં તેમજ અમે તેની સરખી રકમ અન્ય સ્કિમમાં રોકીશું તેમ NCPના સુત્રએ જણાવ્યું હતું.

પાર્ટીના સૂત્રો પાસેથી મળતી માહિતી મુજબ રાજ્ય સરકાર તે રકમનો ખર્ચ ખેડૂતોના કલ્યાણ માટે કરશે.

અમદાવાદ-મુંબઇ હાઇ સ્પીડ ટ્રેન પ્રોજેક્ટ જે કુલ 508 કિલોમીટર સુધીનો પ્રોજેકટ છે, તે 2023 સુધીમાં પુરો થવાની સંભાવના છે.

આ બાંધકામ હાથ ધરવા માટે જવાબદાર NHSRCL અત્યાર સુધીમાં આ પ્રોજેક્ટ માટે 48 ટકા જેટલી જમીન સંપાદન કરી છે અને અનેક કામો માટે ટેન્ડર લગાડ્યા છે.