અહેમદ પટેલ કોંગ્રેસ પાર્ટીનો સ્તંભ હતા, મુશ્કેલીમાં પણ પાર્ટીને સાથ આપ્યોઃ રાહુલ ગાંધી

કોંગ્રેસના વરિષ્ઠ નેતા અહેમદ પટેલના નિધન પર કોંગ્રેસના પૂર્વ અધ્યક્ષ રાહુલ ગાંધીએ દુઃખ વ્યક્ત કર્યું છે. આ સાથે જ પ્રિયંકા ગાંધીએ ટ્વીટ કરી કહ્યું, અહેમદ પટેલજીના પરિવાર ખાસ કરીને મુમતાઝ અને ફૈઝલ પ્રત્યે મારી સંવેદના વ્યક્ત કરું છું.

• અહેમદ પટેલના નિધનથી કોંગ્રેસને પડી મોટી ખોટ
• રાહુલ ગાંધી અને પ્રિયંકા ગાંધી ટ્વીટ કરી દુઃખ વ્યક્ત કર્યું
• રણદીપ સુરજેવાલાએ પણ ટ્વીટ કરી પટેલને શ્રદ્ધાંજલિ અર્પી
  

  અહેમદ પટેલ કોંગ્રેસ પાર્ટીનો સ્તંભ હતા, મુશ્કેલીમાં પણ પાર્ટીને સાથ આપ્યોઃ રાહુલ ગાંધી

નવી દિલ્હીઃ કોંગ્રેસના પૂર્વ અધ્યક્ષ રાહુલ ગાંધીએ પાર્ટીના વરિષ્ઠ નેતા અહેમદ પટેલના નિધન પર દુઃખ વ્યક્ત કર્યું હતું. રાહુલ ગાંધીએ ટ્વીટમાં જણાવ્યું કે પટેલ એક એવા સ્તંભ હતા જે સૌથી મુશ્કેલ સમયમાં પણ પાર્ટીની સાથે ઊભા રહેતા હતા. પાર્ટી મહાસચિવ પ્રિયંકા ગાંધી વાડ્રાએ પણ દુઃખ વ્યક્ત કરતા જણાવ્યું કે, કોંગ્રેસ પ્રત્યે પટેલની પ્રતિબદ્ધતા અને સેવા સરાહનીય હતી. રાહુલ ગાંધીએ ટ્વીટમાં કહ્યું, આ દુઃખનો દિવસ છે. અહેમદ પટેલ કોંગ્રેસ પાર્ટીના સ્તંભ હતા. કોંગ્રેસ માટે પટેલ એ પૂંજી હતા. અમે પટેલની ગેરહાજરી અનુભવીશું. ફૈઝલ, મુમતાઝ અને પરિવાર પ્રત્યે મારો સ્નેહ અને સંવેદના છે.

અહેમદ પટેલ કોંગ્રેસ પાર્ટીનો સ્તંભ હતા

પ્રિયંકા ગાંધીએ ટ્વીટ કરી અહેમદ પટેલના પરિવારને સાંત્વના પાઠવી

પ્રિયંકાએ ટ્વીટમાં કહ્યું, હું પ્રાર્થના કરું છું કે ભગવાન પટેલજીના પરિવારને આ દુઃખ સહન કરવાની શક્તિ આપે. પટેલજીના પરિવાર ખાસ કરીને મુમતાઝ અને ફૈઝલ પ્રત્યે હું મારી સંવેદના વ્યક્ત કરું છું.

અહેમદ પટેલ કોંગ્રેસ પાર્ટીનો સ્તંભ હતા

અહેમદભાઈએ હંમેશા નિષ્ઠાથી કર્તવ્ય નિભાવ્યુંઃ રણદીપ સુરજેવાલા

આ ઉપરાંત કોંગ્રેસના મુખ્ય પ્રવક્તા રણદીપ સુરજેવાલાએ કહ્યું, નિઃશબ્દ, પટેલને દરેક નાના મોટા, દોસ્ત, સાથી, વિરોધી પણ, એક જ નામથી સન્માન આપતા હતા તે નામ છે અહેમદભાઈ. અહેમદભાઈએ હંમેશા નિષ્ઠાથી કર્તવ્ય નિભાવ્યું છે. તેમણે કોંગ્રેસને હંમેશા પોતાનો જ પરિવાર માન્યો હતો. હજી પણ વિશ્વાસન નથી થતો કે અહેમદભાઈ આપણી વચ્ચે નથી રહ્યા.