કર્ણાટકમાં પ્રેમીએ પોતાની પ્રેમિકાનું ફિલ્મી સ્ટાઇલમાં કર્યું અપહરણ, ઘટના CCTV માં કેદ

સમગ્ર દેશમાં ગુનાખોરીના કિસ્સાઓમાં સતત વધારો થઇ રહ્યો છે, ત્યારે કર્ણાટકમાં એક પ્રેમીએ પોતાની પ્રેમિકાનું ફિલ્મી સ્ટાઇલમાં અપહરણ કર્યાની ઘટના સામે આવી છે. આ સમગ્ર ઘટના CCTV માં કેદ થઇ છે.

કોલારઃ શહેરમાં એક પ્રેમીએ પોતાની પ્રેમિકાનું ફિલ્મી સ્ટાઇલમાં અપહરણ કર્યાની ઘટના સામે આવી છે.

કિલારિપેટનો શિવ નામનો યુવાન બે વર્ષથી દેવાંગપેટની 22 વર્ષીય યુવતી સાથે પ્રેમમાં હતો. જોકે તાજેતરમાં જ આ યુવતીના માતા-પિતાએ તેમના પ્રેમને નકાર્યો હતો. આ ઉપરાંત યુવતીએ તેમના માતાપિતાના પસંદિદા યુવક સાથે લગ્ન કરવાનું નક્કી કર્યું હતુ. આ વાત તેના પ્રેમીમને ન ગમતા તેણે તેના મિત્રની ઇનોવા કારમાં યુવતીનું અપહરણ કર્યું હતું.

આ દિવસ દરમિયાન બનેલી આ ઘટનાથી આખું શહેર ચોંકી ઉઠ્યું છે. શહેરના એમબી રોડ પર રેડ્ડી ઇલેક્ટ્રિકલની દુકાન નજીક આ ઘટના બની હતી.

આ અપહરણનું દ્રશ્ય રેડ્ડી ઇલેક્ટ્રિકલના સીસીટીવીમાં કેદ થયું હતું અને સોશિયલ મીડિયા પર વાઇરલ થઈ રહ્યું છે. ગાલપેટ પોલીસે સ્થળની મુલાકાત લઈ કેસ નોંધ્યો છે અને વધુ તપાસ હાથ ધરી છે.