જમ્મુ-કાશ્મીરમાં સેના અને આતંકીઓ વચ્ચે અથડામણ, 5 જવાન શહીદ, 5 આતંકી ઠાર

એક બાજુ વિશ્વ કોરોના સામે જંગ છેડી રહ્યો છે. જ્યારે બીજી તરફ કાશ્મીરમાં સીમા રેખા પાસે કેટલાક આતંકીઓએ દેશમાં ફરી એક વખત હુમલો કરવાની કોશિશ કરી હતી.

શ્રીનગર : ઉતરી કાશ્મીરના કેરન સેક્ટરમાં સીમા રેખા પાસે ઘુસપેઠ કરી રહેલા આતંકવાદીનું ગૃપ અને સુરક્ષા દળ વચ્ચે અથડામણ સર્જાઇ હતી. જેમાં સેનાના 5 જવાન શહીદ થયા છે. જ્યારે એન્કાઉન્ટરમાં 5 આતંકવાદી ઠાર કરાયા છે.

આ સમગ્ર મામલે અધિકારીઓએ રવિવારે જાણકારી આપી હતી. આ તકે શ્રીનગરમાં રક્ષા પ્રવક્તાએ સમગ્ર મામલે માહિતી આપતા જણાવ્યું કે, સેનાના ત્રણ જવાન કેરન વિસ્તારમાં આતંકવાદીઓ સાથેની અથડામણમાં શહીદ થયા હતા. જે સમગ્ર વિસ્તાર કુપવાડા જિલ્લામાં આવે છે.

આ તકે અધિકારીઓએ વધુમાં જણાવ્યું કે, અથડામણમાં 5 જવાન શહીદ થયા છે. ત્રણ અને ચાર એપ્રિલ દરમિયાન રાત્રીથી ચાલી રહેલા આ ઓપરેશનમાં 5 આતંકવાદીઓ ઠાર કરાયા છે.

તેઓએ વધુમાં જણાવ્યું કે, આતંકીઓએ શમસબરી રેંજથી ભારતીય વિસ્તારમાં પ્રવેશ કર્યો હતો અને સેક્ટરના પોસવાલ વિસ્તારમાં 'ગુર્જર ઢોક'માં છુપાયા હતા.