સીતાપુર નેશનલ હાઇવે પર ગમખ્વાર અકસ્માત સર્જાયો, 3 લોકોના મોત

સીતાપુર નેશનલ હાઇવે 24 પર એક અકસ્માત સર્જાયો હતો. રસ્તો ક્રોરોસ કરી રહેલા 3 લોકોને પૂર ઝડપે આવતા ટ્રકે ઝપેટમાં લેતા ત્રણેય લોકોના ઘટના સ્થળ જ મોત નિપજ્યા હતા.

સીતાપુર (ઉત્તર પ્રદેશ): નેશનલ હાઇવે 24 પર મહોલી પોલીસ સ્ટેશન વિસ્તારમાં વહેલી સવારે એક મોટો માર્ગ અકસ્માત સર્જાયો હતો. જ્યાં એક પૂરઝડપે આવતા ટ્રકે માર્ગ પસાર કરતા ત્રણ લોકોને ઝપેટમાં લેતા ઘટના સ્થળે જ તેઓનું મોત નીપજ્યું હતું. ઘટના બાદ ડ્રાઇવર ટ્રક સહિત ઘટના સ્થળેથી ભાગી છૂટ્યો હતો.

મળતી માહિતી મુજબ કોતવાલી મહોલી વિસ્તારના હેમપુર નેરી ગામ નજીક ખાનગી બસનો ડ્રાઈવર, ક્લીનર અને બીજો એક વ્યક્તિ રસ્તો ક્રોસ કરી રહ્યા હતા તે દરમિયાન એક ટ્રકે ત્રણેયને અડફેટે લેતાં ઘટના સ્થળ પર જ તેમના મૃત્યુ નિપજ્યા હતા અને સગાસંબંધીઓને ઘટનાની જાણ કરવામાં આવી હતી.

પોલીસના જણાવ્યા મુજબ, મૃતક મોહન પ્રસાદ મિશ્ર બસ ડ્રાઇવર હતો અને તેની ઉમર આશરે 35 વર્ષ હતી. તેમજ ધર્મેન્દ્રસિંહ પટિયાલા આ ખાનગી બસ નંબરનો મદદગાર હતો અને લગભગ 45 વર્ષનો હતો. ત્રીજા મૃતક જીતેન્દ્રકુમાર તિવારી, બેલવા નૌહર જિલ્લા ગોંડા ઉત્તરનો રહેવાસી, શેષમાની તિવારીનો રહેવાસી હતો. તેમની ઉંમર લગભગ 28 વર્ષની હતી.