ઉત્તર પ્રદેશઃ સામુહિક દુષ્કર્મના કેસના આરોપીઓને 20 વર્ષની કેદ સહિત 50 હજારનો દંડ

સામુહિક દુષ્કર્મના કેસમાં ફાસ્ટ ટ્રેક કોર્ટે બંન્ને આરોપીઓને 20 વર્ષની કેદ અને દરેકને રૂ. 50,000નો દંડ ફટકાર્યો હતો. આ કેસ ઉત્તર પ્રદેશના ફરરૂખાબાદ જિલ્લામાં 2015માં નોંધવામાં આવ્યો હતો.

લખનઉ (ઉત્તર પ્રદેશ): પાંચ વર્ષ પહેલા કિશોરી સાથે થયેલ સામુહિક દુષ્કર્મ કેસમાં ફાસ્ટ ટ્રેક કોર્ટે બંને આરોપીને દોષી ઠેરવ્યા હતા અને તેઓને 20 વર્ષની સખત કેદ અને 50,000 રૂપિયા દંડની સજા આપવામાં આવી હતી. જો દંડ ભરવામાં ન આવે તો એક વર્ષ વધુ કેદનો આદેશ પણ આપવામાં આવ્યો છે.

3 એપ્રિલ, 2015ના રોજ થાણા એતાહ જિલ્લાના યુવકે પોલીસ સ્ટેશનમાં રિપોર્ટ નોંધાવ્યો હત. જેમાં એમ કહેવામાં આવ્યું છે કે, તેમના ખેતર ફરરૂખાબાદ જિલ્લાના કંપિલ પોલીસ સ્ટેશનની નજીક છે. 14 વર્ષીય છોકરી ખેતરમાં શૌચ કરવા ગઈ હતી. કામિલ પોલીસ સ્ટેશન વિસ્તારના ખેતલપુર સૈરિયા ગામનો રહેવાસી ઉપેન્દ્ર ઉર્ફે ચંદુભાઈ અને કટિયાના ગામનો રહેવાસી ઝાકીર ખાને બાળકીનું અપહરણ કરી જંગલમાં સામુહિક દુષ્કર્મ કર્યું હતું. ત્યારબાદ યુવતીના હાથ અને પગ બાંધીને ફેંકી દેવામાં આવી હતી.

આ કેસમાં ન્યાયાધીશ પ્રેમશંકરે પોસ્કો એક્ટ હેઠળ કેસની સુનાવણી હાથ ધરી હતી. બચાવની દલીલો સાંભળ્યા પછી ન્યાયાધીશે આરોપી ઉપેન્દ્ર અને જાકીર ખાનને દોષી ઠેરવ્યા અને તેમને 20 વર્ષની કેદ અને બન્નેને રૂ .50,000નો દંડની સજા કરવામાં આવી હતી.

જજે કહ્યું કે, પીડિતાને વળતર આપવું જોઈએ. ડિસ્ટ્રિક્ટ લીગલ સર્વિસીઝ ટ્રિબ્યુનલને જણાવ્યું છે કે, 30 દિવસની અંદર પીડિતાને વળતર અને પુનર્વસન માટે એક કાગળ તૈયાર કરો અને વળતર અપાવો.