મહારાષ્ટ્ર: ગૂંગળામણની ફરિયાદ બાદ સુગર ફેક્ટરીના 12 કર્મચારીઓને હોસ્પિટલમાં દાખલ કરાયા

મહારાષ્ટ્રમાં સુગર ફેક્ટરીમાં કામ કરતા 12 કામદારોને ગૂંગળામણની ફરિયાદ બાદ હોસ્પિટલમાં દાખલ કરવામાં આવ્યા છે.

પુણે: મહારાષ્ટ્રના પુણે જિલ્લામાં સુગર ફેક્ટરીમાં કામ કરતા 12 કામદારોને શનિવારે સવારે હોસ્પિટલમાં દાખલ કરવામાં આવ્યા હતા. અધિકારીઓએ જણાવ્યું હતું કે 'વેક્યૂમ પૈન' સાફ કરતી વખતે ગૂંગળામણની ફરિયાદ બાદ દરેકને હોસ્પિટલમાં ખસેડવામાં આવ્યા હતા.

આ બનાવ ત્યારે બન્યો હતો, જ્યારે પૈન સાફ કરતી વખતે કોઈ પ્રકારનો ગેસ હવામાં ફેલાયો હતો.

બારામતી સ્થિત માલેગાંવ સુગર ફેક્ટરીના મેનેજિંગ ડિરેક્ટર વિજય બાબલે જણાવ્યું હતું કે, ફેક્ટરીમાં વેક્યુમ પૈનની અંદર પાંચથી છ કામદારો સફાઈ કામ કરી રહ્યા હતા, ત્યારે એક ગેસ હવામાં ફેલાયો અને ગુંગળામણ થવા લાગ્યુ.

વૈક્યુમ પૈનએ એક ટાંકી છે, જે વૈક્યુમ પંપથી સજ્જ છે, જેમાં થોડા તાપમાન સાથે પણ તેને ખાંડની ચાસણીને ઝડપથી ઘટ્ટ કરવા માટે નીચા તાપમાનથી તેમને ધટ્ટ કરવામાં આવે છે.

તેમણે કહ્યું કે, કર્મચારીઓની મદદ માટે તેમના સાથીદારોને બોલાવ્યાં. પૈનમાં અંદર પ્રવેશતા તેમને પણ ગુંગળામણ થવા લાગ્યુ.

એમડીએ જણાવ્યું હતું કે, અસરગ્રસ્ત તમામ કર્મચારીઓને ખાનગી હોસ્પિટલમાં દાખલ કરવામાં આવ્યા છે. તેમણે કહ્યું કે, તમામ કર્મચારીઓને ખાનગી હોસ્પિટલમાં મોકલવામાં આવ્યા છે. તેમાંથી 10ની સ્થિતિ છે, જ્યારે 2 લોકોને હજુ ICUમાં રાખવામાં આવ્યાં છે.