દેવનાહલ્લી (બેંગુલુરુ ગ્રામીણ):કોલકાતાથી બેંગુલુરુ જતી ફ્લાઈટમાં ચાલુ પ્લેનમાં એક યુવતી સિગરેટ પિતા મામલો ગંભીર બન્યો હતો. આ ઘટના 5 માર્ચે રાત્રે 9:50 કલાકે કોલકાતાથી બેંગુલુરુ આવતી ફ્લાઈટમાં બની હતી અને મોડી પ્રકાશમાં આવી હતી. ઈન્ડિગોની ફ્લાઈટ 6E716 માં આ ઘટના બનવા પામી હતી. આ સંબંધમાં પશ્ચિમ બંગાળની એક યુવતીને સુરક્ષાકર્મીઓએ અટકાયતમાં લીધી હતી.
યુવતીને સુરક્ષાકર્મીઓએ કસ્ટડીમાં લીધી: બેંગ્લોરના કેમ્પેગૌડા ઈન્ટરનેશનલ એરપોર્ટ પર ઈન્ડિગોની ફ્લાઈટ લેન્ડ થઈ તેના અડધા કલાક પહેલા એક યુવતીએ પ્લેનની શૌચાલયમાં સિગારેટ પીધી હતી. ત્યારબાદ તપાસ કરવામાં આવી ત્યારે અહીં ડસ્ટબિનમાં સિગારેટનો ટુકડો મળી આવ્યો હતો. ફ્લાઈટના ક્રૂએ સિગારેટ જોતાની સાથે જ ડસ્ટ બિનમાં પાણી રેડ્યું હતું. ફ્લાઈટ બેંગુલુરુમાં લેન્ડ થતાં જ આરોપી યુવતીને સુરક્ષાકર્મીઓએ કસ્ટડીમાં લઈ લીધી હતી.
સ્પાઈસ જેટની ફ્લાઈટમાં સિગારેટ પીનાર મુસાફર:ગયા વર્ષે ઓગસ્ટમાં પણ આવી જ એક ઘટના સામે આવી હતી. સિગારેટ પીતા એક મુસાફરનો વીડિયો સોશિયલ મીડિયા પર વાયરલ થયો હતો. આ વીડિયોમાં એક યુવક પ્લેનની સીટ પર પડેલો જોવા મળ્યો હતો, જે તેના પગને ક્રોસ કરીને સિગારેટ પીતો હતો. તેણે સોશિયલ મીડિયા પર ભારે ધૂમ મચાવી હતી. દુબઈથી દિલ્હી આવી રહેલી સ્પાઈસ જેટની ફ્લાઈટમાં આ ઘટના બની હતી. આ સંદર્ભે પોલીસે બળવંત કટારિયા ઉર્ફે બોબી કટારિયા સામે ગુનો નોંધ્યો હતો.