નવી દિલ્હીઃ2016ના નોટબંધીના નિર્ણય બાદ જે પ્રકારનો ગભરાટ સર્જાયો હતો. તેમાંથી બોધપાઠ લેતા આ વખતે RBIએ 2000ની નોટને ચલણમાંથી બંધ કરવાના નિર્ણય સાથે કેટલીક બાબતો અંગે બેંકોને માર્ગદર્શિકા જારી કરી છે. RBI દ્વારા બેંકોને સૂચના આપવામાં આવી છે કે, તેઓ તેમના ખાતામાં કાળજીપૂર્વક નોંધ કરે કે કેટલી નોટો જમા થઈ.
તમામ રેકોર્ડ રખાશેઃકેટલી નોટ બદલાઈ એ સહિતનો તમામ રેકોર્ડ રાખવામાં આવશે. આનો મતલબ કે બેંકોમાં કેટલી નોટો જમા કરવામાં આવી હતી. તેના બદલામાં કેટલી નોટો પરત આવી હતી. વળી, આ વખતે RBIએ શું કહ્યું તે વિચારવા જેવું છે. 2016 માં, લોકોને કતારમાં ઘણી સમસ્યાઓનો સામનો કરવો પડ્યો હતો. RBIએ સ્પષ્ટ કર્યું છે કે, હવે 2000 રૂપિયાની નોટ લીગલ ટેન્ડર છે. એટલે કે તેનો ઉપયોગ કરી શકાશે.
બેંકને આદેશઃRBIએ જોયું કે લોકોને કેવી રીતે તડકામાં, લાંબી કતારોમાં ઉભા રહેવું પડે છે. આ સિવાય એવું પણ જોવા મળ્યું કે, ઘણા લોકો કતારમાં ઊભા રહેતા બેહોશ પણ થઈ ગયા હતા. આ વખતે RBIએ બેંકોને કહ્યું છે કે, તમામ બેંકો લોકો ઊભા રહેવાની સ્થિતિમાં તેમને છાંયડો મળી રહે એ પ્રકારે વ્યવસ્થા કરે, આ સિવાય લોકોને પીવાના પાણીની કોઈ સમસ્યા ન થાય તેવી વ્યવસ્થા પણ કરવામાં આવે.
મોટી સ્પષ્ટતાઃ શુક્રવાર, 19 મે, 2023ની સાંજે, RBIએ 30 સપ્ટેમ્બરે ચલણમાંથી રૂપિયા 2,000ની નોટો પાછી ખેંચવાની જાહેરાત કરી છે. આ સાથે જ આરબીઆઈએ લોકોને 2000 રૂપિયાની નોટ જલ્દી બદલાવવા માટે કહ્યું છે. રિઝર્વ બેંક ઓફ ઈન્ડિયા (RBI) દ્વારા શેર કરવામાં આવેલા ડેટા મુજબ, 31 માર્ચ, 2023 સુધીમાં ચલણમાં રહેલી રૂ. 2,000ની નોટોનું કુલ મૂલ્ય ઘટીને કુલ 10.8 ટકા થઈ ગયું છે.
- રૂપિયા 2000ની નોટ પરના નિર્ણય બાદ શક્તિકાંત દાસે કહ્યું, બદલવા માટે પૂરતો સમય
- History of Demonetisation: 2000ની નોટ પાછી ખેંચવાની જાહેરાતથી નોટબંધીની યાદો થઈ તાજી,
- Airline Crisis: એક દાયકામાં બંધ થઈ 11મી ખાનગી એરલાઈન્સ
