- ગ્યાસુદ્દીન કાશીપુરાધિપતિ બાબા વિશ્વનાથના ગૌનાની શાહી પાઘડી બનાવે
- બાબા પાઘડી ઘારણ કરીને માં ગોરાની વિદાય કરવા જાય છે
- પરિવારના 11 લોકો મળીને બાબાની પાઘડી બનાવે છે
- પાઘડી રેશમનું કાપડ, સ્ટોન, મોતી, પાંખ, દફ્તી જેવી વસ્તુઓથી બને છે
વારાણસીઃ વિશ્વભરમાં જો ગંગા જમના તહેજીબની કેટલીક સાચી મિસાલ જોવી હોય તે કાશી જરૂર જવું જોઇએ. જીવંત નગરી કાશીમાં અદભુત પરંપરાઓ અને પરસ્પર સંવાદિતાની એક અલગ ઝલક જોવા મળે છે. અહિના બધા વ્યક્તિ અને પરંપરા પરસ્પર સંવાદિતાનો અહેસાસ કરાવે છે. આ પરંપરાને આગળ વધારવા અને ગંગા જમના તહજીબને વિશ્વ ફલક પર સ્થાપિત કરવામાં કાશીનાં લલ્લાપુરા વિસ્તારમાં રહેનારા ગ્યાસુદ્દીન પણ પોતાની ભૂમિકા નિભાવી રહ્યા છે. છેલ્લા કેટલાક દાયકાઓથી ગ્યાસુદ્દીન કાશીપુરાધિપતિ બાબા વિશ્વનાથના ગૌનાની શાહી પાઘડી બનાવે છે. જેને બાબા ઘારણ કરીને માં ગોરાની વિદાય કરવા જાય છે.
250વર્ષથી નિભાવવામાં આવી રહી છે પરંપરા
જણાવવામાં આવે છે કે હાજી ગ્યાસુદ્દીનનું પરિવાર ગયા લગભગ 250 વર્ષથી બાબા માટે શાહી પાઘડી બનાવતું રહ્યું છે. આ પાઘડી પહેરીને બાબા રંગભરી એકાદશીએ પોતાના ગૌનાની શોભાયાત્રામાં જાય છે અને માં ગૌરાની વિદાય કરે છે. હાજી ગ્યાસુદ્દીને જણાવ્યું કે, અમારા પરદાદા હાજી છેદી લખનઉથી અહિ કલા લઇને કાશી આવ્યા હતા અને પહેલીવાર બાબા માટે પાઘડી બનાવી હતી. તેના પછી તેમના પુત્ર હાજી અબ્દુલ ગફૂરે પરંપરાને આગળ વધારી હતી. અબ્દુલ ગફૂર પછી મોહમ્મદ જહૂર તેના પછી ગ્યાસુદ્દીન તેને આગળ વધારી રહ્યા છે. ગ્યાસુદ્દીનની નવી પેઢી પણ પાઘડી બનાવવા માટે પોતાની અહમ ભૂમિકા નિભાવી રહી છે. આ તહેવારને લઇને બધા લોકો ઘણા ઉત્સુક છે. તેમનું કહેવું છે કે અમને બાબા વિશ્વનાથના આશીર્વાદ મળે એ જ અમારું મહેનતાણુ અને ઇનામ છે.
ઉત્સુકતાથી રાહ જોવામાં આવે છે
ગ્યાસુદ્દીને જણાવ્યું હતું કે, અમારા પરિવારના 11 લોકો મળીને બાબાની પાઘડી બનાવે છે. કોઇ કપડા કાપે છે, તો કોઇ સિલાઇ કરે છે, કોઇ સ્ટોન અને ઝરી લગાવવાનું કામ કરે છે. તેમણે જણાવ્યું હતું કે,અમને ગર્વ છે કે અમે ભગવાન માટે પાઘડી બનાવીએ છે. અમને અને અમારા પરિવારને આ લાયક સમજવામાં આવે છે.ભોલેનાથ કાશીનાં રાજા છે, કાશીનાં રાજાનો મતલબ છે વિશ્વભરનાં રાજા અને આ અમારા માટે ગર્વની વાત છે કે અમે તેમના માટે કંઇક કામ કરીએ છે. અમારી દુવા છે કે અમને હંમેશા તેમની સેવા કરવાની તક આપવામાં આવે, તે માટે અમે પોતાને ખુશનસીબ સમજીએ છે.