ઈન્દોર: મધ્યપ્રદેશના ઈન્દોરમાં મંદિરોમાં હવે લાઉડસ્પીકર પર હનુમાન ચાલીસાનો પાઠ (Indore Hanuman chalisa on loudspeaker ) શરૂ થઈ ગયો છે. રવિવારે ચંદ્રભાગા સ્થિત પ્રાચીન ખેડાપતિ હનુમાન મંદિરમાં સાંજ સુધી 4 વખત હનુમાન ચાલીસાનો પાઠ કરવામાં આવ્યો હતો. હિન્દુ સંગઠનોએ કહ્યું કે, હનુમાન ચાલીસા તે જ સમયે યોજાશે જ્યારે મસ્જિદોમાં લાઉડસ્પીકર પર અઝાન (Azan vs Hanuman Chalisa) કરવામાં આવશે.
Indore Hanuman chalisa on loudspeaker: હવે ઈન્દોરમાં પણ ગુંજી ઉઠી હનુમાન ચાલીસા, હિન્દુ સંગઠનોનુ અભિયાન શરુ આ પણ વાંચો:સાંસદ નવનીત રાણા અને તેના પતિને અલગ અલગ જેલમાં રખાયા, આ કારણે કરવામાં આવી હતી ધરપકડ
સંસ્થાઓનું કહેવું છે કે, ટૂંક સમયમાં અન્ય મંદિરોમાં પણ લાઉડસ્પીકર લગાવવામાં આવશે. આ સ્થળની આસપાસ ઘણી મુસ્લિમ વસાહતો છે, જ્યાં લાઉડસ્પીકર સાથે પઠન કરવામાં આવ્યું હતું. જે રીતે આ કાર્યક્રમનું આયોજન કરવામાં આવ્યું છે, તે જોતા વહીવટીતંત્રના હાથ પગ ફૂલી ગયા છે, ત્યારે હવે જોવાનું એ રહેશે કે આગામી દિવસોમાં આ સમગ્ર મામલે વહીવટીતંત્ર કેવો નિર્ણય લે છે.
મોટી સંખ્યામાં ભક્તો મંદિરે પહોંચ્યા : ખેડાપતિ હનુમાન મંદિરે મોટી સંખ્યામાં લોકો હનુમાન ચાલીસાના પાઠ (Azan Hanuman Chalisa controversy) કરવા પહોંચ્યા હતા. મંદિર ઘણા વર્ષો જૂનું છે. દરરોજ સવારે 9 કલાકે અને સાંજે 8 કલાકે ભગવાનની આરતી થાય છે. આયોજકોનું કહેવું છે કે, આ મંદિરમાંથી લાઉડ સ્પીકર દ્વારા દરરોજ ત્રણ વખત રામધૂન અને બે વખત હનુમાન ચાલીસાનો પાઠ કરવામાં આવશે.
આ પણ વાંચો:ટીના દાબી પ્રદીપ ગાવંડે હવે સુખી લગ્ન જોડા બની ગયા
કાર્યક્રમના આયોજક એડવોકેટ છે, તેમના દ્વારા આખા શહેરમાં આવી ઝુંબેશ ચલાવવામાં આવી રહી છે. તેમનું કહેવું છે કે જે રીતે મસ્જિદોમાંથી પરવાનગી વગર લાઉડ સ્પીકર લગાવીને ધ્વનિ પ્રદૂષણ ફેલાવવામાં આવી રહ્યું છે. અનેક ફરિયાદો બાદ પણ પ્રશાસન દ્વારા મસ્જિદોમાં લગાવવામાં આવેલા લાઉડસ્પીકર હટાવવામાં આવતા નથી, તેને જોતા મંદિરોમાં દરરોજ પાંચ વખત સમાન કાર્યક્રમોનું આયોજન કરવામાં આવશે.
લોકોએ મસ્જિદોમાં લાઉડસ્પીકર સામે અવાજ ઉઠાવ્યો:ઈન્દોરના વિવિધ પોલીસ સ્ટેશન વિસ્તારોના લોકો અને સંગઠનોએ જાન્યુઆરી અને ફેબ્રુઆરી મહિનામાં મસ્જિદોમાં લાઉડસ્પીકર હટાવવા માટે અરજી કરી હતી. આ લાઉડ સ્પીકર પરવાનગી વગર ગેરકાયદે વગાડવામાં આવી રહ્યા હોવાનું જણાવાયું હતું. જેના કારણે જાહેરમાં પરેશાની અને ધ્વનિ પ્રદૂષણ થાય છે. આરોગ્ય પર પ્રતિકૂળ અસર થતાં તેને દૂર કરવા પણ જણાવ્યું હતું. તાજેતરમાં, ઇન્દોરના જિલ્લા બાર એસોસિએશ (Indore bar association) મસ્જિદોમાંથી લાઉડસ્પીકર હટાવવાનું અભિયાન શરૂ કર્યું હતું.
અઝાનથી ઊંઘમાં ખલેલ પડે છેઃ સાધ્વી પ્રજ્ઞા સિંહે કહ્યું હતું કે, જ્યારે સાધુઓ અને તપસ્વીઓની વાત આવે છે ત્યારે તેઓ ભગવાનની પૂજા કરે છે, ધ્યાન કરે છે, પરંતુ કોઈને ખલેલ પહોંચાડતા નથી. સાધ્વીએ કહ્યું કે, સવારના અઝાનના કારણે લોકોની ઊંઘમાં ખલેલ પહોંચે છે. સાધ્વી પ્રજ્ઞાએ કહ્યું કે, કોંગ્રેસે પોતાના કાર્યકાળ દરમિયાન માત્ર એક પક્ષનો જ પ્રચાર કર્યો છે, તેથી ભોપાલમાં માત્ર એક પક્ષના લોકોએ અતિક્રમણ કર્યું છે અને જો તેઓ તેમને હટાવે છે, તો તેઓ હંગામો મચાવે છે. તેમણે કહ્યું કે, ભારતમાં દરેકને રહેવાની છૂટ છે, પરંતુ કાવતરાખોરોને નહીં.
