આસામ: આસામમાં ભારે વરસાદને કારણે નદીઓના જળસ્તરમાં વધારો થયો છે, જેના કારણે પૂરની સ્થિતિ વણસી ગઈ છે. સ્ટેટ ડિઝાસ્ટર મેનેજમેન્ટ ઓથોરિટીના રિપોર્ટ અનુસાર, પૂરમાં અત્યાર સુધીમાં 5 લોકોએ જીવ ગુમાવ્યા છે. આસામ સરકારે પૂરને લઈને રાહત કાર્યમાં વધારો કર્યો છે. આસામના ઘણા જિલ્લાઓમાં રાષ્ટ્રીય આપત્તિ રાહત દળ તૈનાત કરવામાં આવી છે.
પૂરથી ગ્રામીણ જનજીવન પ્રભાવિત. 29 રાહત શિબિરો:સ્ટેટ ડિઝાસ્ટર મેનેજમેન્ટ ઓથોરિટીના અહેવાલ મુજબ, 11 જિલ્લાના 563 મહેસૂલ ગામો પાણીમાં ડૂબી ગયા હતા અને 1,55,896 લોકો પૂરથી પ્રભાવિત થયા હતા. સરકારી આંકડાઓ અનુસાર પૂરના કારણે 14091.90 હેક્ટર ખેતીની જમીન નાશ પામી છે. પૂર પ્રભાવિત લોકો માટે કુલ 29 રાહત શિબિરો હજુ પણ સક્રિય છે.
આસામમાં 11 જિલ્લાના 563 ગામો ડૂબી ગયા લોકો જળબંબાકારમાં ફસાયા:અહેવાલ મુજબ ભૂટાનના કુરિશુ ડેમમાંથી માત્ર પાણી છોડવામાં આવી રહ્યું નથી, પરંતુ ભૂટાન અને આસામના ઉપરના વિસ્તારોમાં અવિરત વરસાદને કારણે નીચલા આસામના વિવિધ ભાગોમાં પાણી ભરાઈ ગયા છે. રાજ્યમાં દોઢ લાખથી વધુ લોકો જળબંબાકારમાં ફસાયા છે. દરમિયાન, કેન્દ્રીય ગૃહ પ્રધાન અમિત શાહે રવિવારે મુખ્ય પ્રધાન ડૉ. હિમંતા બિસ્વા સરમાને રાજ્યની વર્તમાન પરિસ્થિતિની સમીક્ષા કરવા માટે ફોન કર્યો અને કેન્દ્ર સરકાર તરફથી તમામ શક્ય મદદ અને સહકારની ખાતરી આપી.
કેન્દ્ર સરકારે મદદની ખાતરી આપી: કેન્દ્રીય ગૃહ પ્રધાન અમિત શાહે આસામ સરકારને શક્ય તમામ મદદની ખાતરી આપી છે. તેમણે કહ્યું છે કે કેન્દ્ર સરકાર કોઈપણ ઈમરજન્સીમાં મદદ કરવા તૈયાર છે. કેન્દ્રીય ગૃહમંત્રીએ કહ્યું કે તમામ સંબંધિતોને બચાવ અને પૂર રાહતમાં સહકાર આપવાનો નિર્દેશ આપવામાં આવ્યો છે.
- Assam Flood: આસામમાં પુરને કારણે એકરમાં રહેલો પાક સ્વાહા, શાકભાજીના ભાવ આસમાને
- ASSAM FLOOD : આસામના પૂરથી 16 જિલ્લાઓમાં 4 લાખથી વધુ લોકો પ્રભાવિત
- Assam Flood : આસામના 780 ગામ પાણીમાં ગરક, ભારતીય હવામાન વિભાગે 'ઓરેન્જ એલર્ટ' જાહેર કરી
