ઉત્તરાખંડમાં વરસાદનો કહેર યથાવત્, તારાજીના ભયાનક દ્રશ્ય અંગે જાણો...

ઉત્તરાખંડમાં વરસાદનો કહેર યથાવત્ છે. ચમોલીમાં છેલ્લા 48 કલાકથી પણ વધુ સમય થયો તેમ છતાં આજે ત્રીજા દિવસે પણ ભારે વરસાદ પડી રહ્યો છે. જેના કારણે જનજીવન અસ્તવ્યસ્ત થઈ ગયું છે. તેમજ વરસાદના કારણે અનેક ટ્રેનોના રૂટ પર પાણી ફરી વળતા ટ્રેનો પણ અદ્ધ વચ્ચે અટવાઇ ગઇ છે. ઋષિકેશના રાયવાલાના ગોહરી માફીમાં ગંગા નદીનું જળસ્તર અચાનક વધી જતા લોકો અટવાઇ ગયા હતા, તેમણે SDRFની ટીમે ઘટનાસ્થળે પહોંચી બચાવ અભિયાન શરૂ કર્યું હતું. માણસોથી લઈને પ્રાણીઓ પણ હવે પાણીમાં ફસાઈ રહ્યા છે. હલ્દાનીના ગૌલાનદી પર બનેલો કરોડોનો પુલ પણ ભારે વરસાદને કારણે ક્ષતિગ્રસ્ત થઇ ગયો છે.

• ગંગાનું જળસ્તર વધતા 22 લોકો ટાપુ પર ફસાઈ ગયા હતા
• ઉત્તરાખંડમાં છેલ્લા 48 કલાકથી વરસાદનો કહેર યથાવત્
• ભારે વરસાદના કારણે જનજીવન બન્યું અસ્તવ્યસ્ત

ઉત્તરાખંડઃ ચમોલીમાં છેલ્લા 48 કલાકથી ચાલી રહેલો અવિરત વરસાદ હજી પણ યથાવત્ છે. ત્યારે ઉંચાઈવાળા વિસ્તારોમાં થતી હિમવર્ષાથી જિલ્લામાં તાપમાન ઘટવા લાગ્યું છે. જ્યારે નીચાણવાળા વિસ્તારમાં ભારે વરસાદના કારણે જનજીવન અસ્તવ્યસ્ત થયું છે. સાથે જ ઠંડી પણ શરૂ થઈ ગઈ છે. જોકે, જનપદમાં સતત પડી રહેલા વરસાદના કારણે બદરીનાથ હાઈ-વે 11 સ્થળ પર કાટમાળ પડવાથી તેને બંધ કરી દેવાયો છે. જ્યારે ચમોલીના 17 ગ્રામ્ય રસ્તાને પણ કાટમાળ અને ભૂસ્ખલન થવાના કારણે બંધ કરી દેવાયો છે. બીજી તરફ ચમોલીની નદીઓમાં જળસ્તર વધી રહ્યું છે. જોકે, નદીઓ ખતરાના નિશાનથી કેટલાક મીટર નીચે વહી રહી છે.

22 લોકો ટાપુ પર ફસાઈ જતા રેસ્કયું કરાયા

ઉત્તરાખંડમાં ઋષિકેશના (Hrishikesh) રાયવાલાના (Raywala) ગોહરી માફીમાં ગંગા નદીનું (River Ganga) જળસ્તર અચાનક વધી ગયું છે, જેના કારણે રાયવાલાની નજીક ગંગાના ટાપુમાં ગુજર પરિવારના 22 લોકો ફસાઈ ગયા હતા. જોકે, તેમના ફસાવવાના સમાચાર મળતા જ પોલીસે ઘટના સ્થળે પહોંચીને તમામ લોકોને બચાવી લીધા હતા. આ અંગે મળતી માહિતી અનુસાર, ગુજરોનો પરિવાર (Gujar Family) ઉત્તરકાશીના રાયવાલા આવ્યો હતો, પરંતુ સતત થઈ રહેલા વરસાદના કારણે ગંગાનું જળસ્તર વધી ગયું હતું. આ જ કારણે તમામ 22 લોકો ટાપુ પર ફસાઈ ગયા હતા. જોકે, આજે સવારે કન્ટ્રોલ રૂમના માધ્યમથી રાયવાલા પોલીસ સ્ટેશનને સૂચના મળી હતી. ત્યારબાદ રાયવાલા પોલીસ અને SDRFની ટીમે ઘટનાસ્થળે પહોંચી બચાવ અભિયાન (Rescue Operation) શરૂ કર્યું હતું. ટીમે બોટની મદદથી ફસાયેલા વ્યક્તિ સુધી પહોંચી તેમને સુરક્ષિત સ્થળ પર પહોંચાડ્યા હતા.

ટ્રેનોના સંચાલન પર ભારે અસર પડી

કુમાઉ વિભાગમાં છેલ્લા 48 કલાકથી મુશળધાર વરસાદને કારણે, જ્યાં સામાન્ય જનજીવન ખોરવાયું છે, ત્યાં ઘણા રસ્તાઓ બંધ થઈ ગયા છે. વરસાદની અસર ટ્રેનો પર પણ પડી છે. લાલકુઆન રેલ્વે સ્ટેશન પર મોડી રાતથી સ્ટેશન પરિસર અને ટ્રેક પર પાણી અને કાટમાળ આવવાને કારણે લાલકુઆન પાસેથી પસાર થતી ટ્રેન મોડી રાત સુધી ઉભી રહી હતી. જેના કારણે મુસાફરોને ભારે મુશ્કેલીનો સામનો કરવો પડી રહ્યો છે. તેથી તેને ટ્રેનોના સંચાલન પર અસર પડી છે. મોડી રાતથી જ વિવિધ સ્થળોએ ટ્રેનો ઉભી છે. સૌથી વધુ પરેશાન લાંબા અંતરના મુસાફરો કાઠગોદામથી હાવડા જતી બાગ એક્સપ્રેસનો સામનો કરી રહ્યા છે. રેલવે ટ્રેક પર પાણી આવવાને કારણે લાઈનને પણ નુકસાન થયું છે, આ સિવાય સિંગલ પોઈન્ટ ગુમાવવાની સંભાવના વ્યક્ત કરવામાં આવી રહી છે.

માણસોથી લઈને પ્રાણીઓ પણ પાણીમાં ફસાયા

ઉત્તરાખંડમાં ભારે વરસાદનો સિલસિલો યથાવત્ છે. ત્યારે માણસોથી લઈને પ્રાણીઓ પણ હવે પાણીમાં ફસાઈ રહ્યા છે. ત્યારે ગૌલા નદીની વચ્ચોવચ એક હાથી ફસાઈ ગયો હતો, જેને બચાવવા માટે વન વિભાગે બચાવ કામગીરી કરી હતી. અહીં વર્ષ 1993 પછી પહેલા વખત એવું થયું છે કે, ગૌલા નદીમાં 90,000 ક્યૂસેક પાણી છોડવામાં આવ્યું છે. નદીના દેવરામપુરની પાસે એક ટેકરા પર હાથી ફસાઈ ગયો હતો. નદીના તેજ પ્રવાહના કારણે હાથી રાતથી નદીમાં ફસાયેલો છે. જોકે, સવારે ગ્રામ્યજનોએ હાથીને ફસાયેલો જોતા વન વિભાગની ટીમને જાણ કરી હતી. ત્યારબાદ તરાઈ પૂર્વી વન વનિભાગના વન ક્ષેત્રાધિકારી સંદિપ કુમારે કહ્યું હતું કે, ગ્રામ્યજનોએ હાથી ફસાયેલો હોવાની સૂચના વિભાગને આપી છે. ત્યારે વિભાગે ઘટનાસ્થળે પહોંચીને હાથીને બચાવવાનું કામ શરૂ કર્યું છે. જોકે, નદીમાં વધુ પાણી હોવાના કારણે બચાવ કામગીરીમાં તકલીફ પડી રહી છે. જ્યારે પાણી ઓછું થયા પછી હાથી જાતે જ જંગલ તરફ જતો રહેશે.

ભારે વરસાદને કારણે પુલો બન્યા ક્ષતિગ્રસ્ત

હલ્દાનીના ગૌલાનદી પર બનેલો કરોડોનો પુલ ભારે વરસાદને કારણે ક્ષતિગ્રસ્ત થઇ ગયો છે. અત્યારે ગૌલાપર જતા વાહનોને કાઠગોડમ અથવા કીચા થઈને જવું પડશે. પોલીસ વહીવટીતંત્રે રસ્તાને સંપૂર્ણપણે બંધ કરી દીધો છે, પુલનો એક ભાગ નદીમાં વહી ગયો છે, ભારે વરસાદના કારણે બાકીના બ્રિજ પણ તૂટવાની શક્યતા સેવાઇ રહી છે. આંતરરાષ્ટ્રીય સ્ટેડિયમ, ગૌલાપરના ઘણા ગ્રામીણ વિસ્તારો, કાઠગોડમ બાયપાસ સિવાય અને ચોરગલીયા સહિત નૈનીતાલ સિતારગંજને જોડતો એકમાત્ર પૂલ હતો એ પણ બંધ થઇ ગયો છે જેના કારણે સંપર્કો બંધ થઇ ગયા છે.

આ પણ વાંચો ; ઉત્તરાખંડમાં ભારે વરસાદના કારણે અનેક ટ્રેનો અદ્ધ વચ્ચે અટવાઇ...

આ પણ વાંચો ;ઉત્તરાખંડમાં સતત 3 દિવસથી પડી રહ્યો છે વરસાદ, કાટમાળ પડવાથી અનેક રસ્તાઓ બંધ