Ind vs Pak Ceremony: અમદાવાદ મોદી સ્ટેડિયમમાં સંગીતના બાદશાહોની વર્લ્ડ કપ મેચ પહેલા મહેફિલ, લોકોને કરાવશે મજા

ક્રિકેટ પ્રેમીઓ ભારત વિરુદ્ધ પાકિસ્તાન વર્લ્ડ કપ મેચની આતુરતાથી રાહ જોઈ રહ્યા છે. તેમા પણ ખાસ કરીને અમદાવાદીઓ પણ રાહ જોઈ રહ્યા છે. ત્યારે આ મેચ પહેલા અરિજીત સિંહ, શંકર મહાદેવન અને સુખવિંદર સિંહ અમદાવાદના નરેન્દ્ર મોદી સ્ટેડિયમમાં પરફોર્મ કરશે.

મુંબઈઃ ફિલ્મ હોય કે રિયલ લાઈફની ઘટના, સૌથી ખાસ પળો માટે સંગીતની જરૂર હોય છે. ખાસ કરીને લોકોનો ઉત્સાહ વધારવા માટે અને તે પણ વર્લ્ડ કપમાં ભારત-પાકિસ્તાન જેવી ખાસ ક્ષણોમાં તેનું મહત્વ વધુ વધી જાય છે. હા, અમે બીજા કોઈની નહીં પણ ગાયક અરિજીત સિંહના મંત્રમુગ્ધ મ્યુઝિકલ પર્ફોર્મન્સની વાત કરી રહ્યા છીએ. તો ક્રિકેટ પ્રેમીઓ, તૈયાર થઈ જાવ, કારણ કે આ વખતે ભારત અને પાકિસ્તાનની મેચ પહેલા અરિજિત સિંહ પોતાના સંગીતથી દરેકના ઉત્સાહમાં વધારો કરવા આવી રહ્યા છે.

પરંપરાગત હરીફ પાકિસ્તાન: ક્રિકેટમાં ભારત અને પાકિસ્તાન વચ્ચેની દુશ્મનાવટ એ વિશ્વની સૌથી ભીષણ પ્રતિસ્પર્ધાઓમાંની એક છે, જેમાં બંને દેશો વચ્ચેની મેચો સૌથી વધુ વૈશ્વિક દર્શકો મેળવે છે. સતત બે જીત નોંધાવ્યા બાદ આત્મવિશ્વાસથી ભરેલું ભારત શનિવારે અમદાવાદના નરેન્દ્ર મોદી સ્ટેડિયમમાં તેના પરંપરાગત હરીફ પાકિસ્તાન સામે ટકરાશે. ચાહકો આશા રાખશે કે વિરાટ કોહલી, કેપ્ટન રોહિત શર્મા, જસપ્રિત બુમરાહ, કેએલ રાહુલ અને મોહમ્મદ સિરાજ જેવા 'મેન ઇન બ્લુ'ના મેગાસ્ટાર તેમનું શાનદાર પ્રદર્શન ચાલુ રાખશે અને 50 ઓવરના વર્લ્ડ કપમાં દેશને જીત તરફ દોરી જશે.

BCCIએ લખ્યું શંકર મહાદેવન વિશે:આગળની પોસ્ટમાં શંકર મહાદેવન વિશે માહિતી આપતાં, BCCIએ લખ્યું છે કે, 'અમદાવાદના નરેન્દ્ર મોદી સ્ટેડિયમમાં મોટી મેચ પહેલા શંકર મહાદેવનને લાઇવ જુઓ, જે INDvPAK માટે સ્ટેજ સેટ કરી રહ્યા છે જેમ કે પહેલા ક્યારેય નહીં. 14મી ઓક્ટોબરે બપોરે 12:30 વાગ્યાથી વિશ્વના સૌથી મોટા ક્રિકેટ ગ્રાઉન્ડ પર પ્રી-મેચ શોનો અનુભવ કરો. આમ, BCCIએ પંજાબી ગાયક સુખવિંદર સિંહના પ્રી-મેચ પરફોર્મન્સ વિશે માહિતી આપી છે.