આજે અપરા એકાદશી- જાણો આ એકાદશીનું શું મહત્વ છે?

અપરા એકાદશી 2021ને જળ ક્રીડા એકાદશી તરીકે પણ ઓળખવામાં આવે છે. કહેવામાં આવે છે કે, આ દિવસે ભગવાન વિષ્ણુના સહસ્ત્રનામ વિષ્ણુ ચાલીસાના પાઠ કરવાથી ખૂબ જ લાભ થાય છે. આ દિવસે કુંવારી કન્યાઓ વ્રત કરે તો તેમને સુયોગ્ય પતિ પ્રાપ્ત થાય છે.

• આજે અપરા એકાદશીની ઉજવણી કરાશે
• અપરા એકાદશીને ક્રીડા એકાદશી પણ કહેવાય છે
• આ દિવસે ભગવાન વિષ્ણુ ચાલીસાના પાઠ કરવાથી લાભ થાય છે

ન્યૂઝ ડેસ્કઃ જ્યેષ્ઠ મહિનાની કૃષ્ણ પક્ષની એકાદશીને અપરા એકાદશી એટલે કે જલ ક્રીડા એકાદશી પણ કહેવામાં આવે છે. માનવામાં આવે છે કે, પુંસવન સીમન્ત જેવા સંસ્કારો માટે અપરા એકાદશી શુભ દિવસ છે. આ વર્ષે અપરા એકાદશી 6 જૂન 2021 એટલે કે રવિવારે ઉજવવામાં આવશે. અપરા એકાદશીના દિવસે ભગવાન વિષ્ણુની આરાધના અને સહસ્ત્રનામ વિષ્ણુ ચાલીસાના પાઠ કરવાથી લાભ મળશે. આ દિવસે વ્રત રાખવાથી અપાર ધનની પ્રાપ્તિ થાય છે. આ સાથે જ કુંવારી કન્યાઓ જો આ વ્રત કરે તો તેમને સુયોગ્ય પતિ પ્રાપ્ત થાય છે. તો આવો જાણીએ કે આ દિવસે કયા કામ કરવા જોઈએ. માન્યતાઓ અનુસાર, એકાદશીના દિવેસ ભગવાન વિષ્ણુની પૂજા કરવામાં આવે છે. કહેવામાં આવે છે કે, ભગવાન વિષ્ણુ ભક્તિથી ખુશ થઈને તમામ દુઃખ દૂર કરે છે.

આ પણ વાંચો-ચૈત્રી નવરાત્રીમાં 51 શક્તિપીઠમાં પૂજાનું છે અનોખું મહત્વ

અપરા એકાદશી 2021ના શુભ મુહૂર્ત

અપરા એકાદશીનું શુભ મુહૂર્ત શનિવારે સવારે 4.07 વાગ્યાથી શરૂ થઈને રવિવારે એટલે કે 6 જૂનની સવારે 6.19 વાગ્યા સુધી રહેશે. અપરા એકાદશી વ્રત પારણનું શુભ મુહૂર્ત 7 જૂને સવારે 5.12 વાગ્યાથી સવારે 7.59 વાગ્યા સુધી રહેશે.

આ પણ વાંચો-19 વર્ષના વિરલ સંયોગે ફરી આવ્યો આસો અધિક માસ, કેવી રીતે કરશો જપ તપ વ્રત?

આ એકાદશીનું શું મહત્વ છે?

આ દિવસે ભગવાન વિષ્ણુની પૂજા કરી વ્રત રાખવામાં આવે છે. કહેવામાં આવે છે કે, આ એકાદશીમાં ભગવાન વિષ્ણુને વ્રત રાખવાથી આરોગ્ય પ્રાપ્ત થાય છે. આ સાથે જ વિશેષ ફળની પ્રાપ્તિ થાય છે. એવી પણ માન્યતા છે કે, વિધિપૂર્વક ભગવાન વિષ્ણુની પૂજા કરવાથી જીવનમાં સુખ, સમૃદ્ધિનો વાસ થાય છે, જેના કારણે અનેક પ્રકારના સંકટોથી મુક્તિ મળે છે.