PM મોદીને મળવા પહોંચ્યા અમિત શાહ, કાશ્મીર સહિતના રાષ્ટ્રીય મુદ્દાઓ પર કરશે ચર્ચા

કેન્દ્રીય ગૃહપ્રધાન અમિત શાહે (Union Home Minister Amit Shah) PM નિવાસ્થાને વડાપ્રધાન નરેન્દ્ર મોદી (PM Modi) સાથે રાષ્ટ્રીય સુરક્ષા (National security) સહિતના અનેક મહત્વના મુદ્દાઓ પર ચર્ચા કરવા માટે પહોંચ્યા છે. આના એક દિવસ પહેલા જ શાહે રાષ્ટ્રીય સુરક્ષાના મુદ્દા પર 6 કલાક લાંબી બેઠક કરી હતી.

• PM મોદી અને અમિત શાહ વચ્ચે બેઠક
• કાશ્મીર સહિતના રાષ્ટ્રીય મુદ્દાઓ પર PM નિવાસ્થાને ચર્ચા
• એક દિવસ પહેલા જ શાહે રાષ્ટ્રીય સુરક્ષાના મુદ્દા પર 6 કલાક કરી હતી મિટિંગ

નવી દિલ્હી: ગૃહપ્રધાન અમિત શાહ (Union Home Minister Amit Shah) આજે સવારે વડાપ્રધાન નરેન્દ્ર મોદી (PM Modi)ને મળવા માટે PM નિવાસસ્થાને પહોંચ્યા. ત્યાં અત્યારે તેમની બેઠક ચાલી રહી છે. PM મોદી અને અમિત શાહ (Amit Shah)ની વચ્ચે આ મુલાકાત કેબિનેટની બેઠક (Cabinet Meeting) પહેલા થઈ રહી છે. એવું માનવામાં આવી રહ્યું છે કે ગૃહપ્રધાન PM મોદીની સાથે કાશ્મીર સહિત અનેક અન્ય રાષ્ટ્રીય મુદ્દાઓ પર ચર્ચા કરી રહ્યા છે.

રાષ્ટ્રીય સુરક્ષાના મુદ્દા પર 6 કલાક લાંબી બેઠક કરી

PM મોદી સાથે ગૃહપ્રધાનની મુલાકાત એવા સમયે થઈ રહી છે જ્યારે આના એક દિવસ પહેલા સોમવારના અમિત શાહે રાષ્ટ્રીય સુરક્ષાના મુદ્દા પર લગભગ 6 કલાક લાંબી બેઠક કરી. આ બેઠકમાં તેમણે આંતરિક સુરક્ષાને લઇને રાજ્યોની વચ્ચે સમન્વય પર ભાર આપ્યો.

બેઠકમાં કોણ કોણ સામે થયું?

સૂત્રો પ્રમાણે, શાહે નાનાથી નાની સૂચના પર સતર્કતાથી કાર્યવાહીના નિર્દેશ આપ્યા. તમામ રાજ્યોના પોલીસ મહાનિર્દેશક, પોલીસ મહાનિરીક્ષક, પોલીસ અધિક્ષક અને મહાનિરીક્ષક સ્તરના પસંદ કરાયેલા ફિલ્ડ ઑફિસરો, કેન્દ્રીય પોલીસ દળોના વડાઓ, ગુપ્તચર એજન્સીઓ અને પોલીસ સંગઠનો બંધ બારણે આ કૉન્ફરન્સમાં સામેલ થયા.

કાયદા અને વ્યવસ્થાના અલગ-અલગ મુદ્દાઓ પર ચર્ચા

ગૃહ મંત્રાલયના એક પ્રવક્તાએ જણાવ્યું કે, સંમેલનમાં અલગ-અલગ આંતરિક પડકારો પર વિચાર-વિમર્શ કરવામાં આવ્યો અને તેની સામે મજબૂતીથી પહોંચી વળવા માટેની રીતો પર ચર્ચા કરવામાં આવી. બેઠકમાં દેશમાં સમગ્ર સુરક્ષા સ્થિતિ અને કાશ્મીરમાં સામાન્ય નાગરિકોને નિશાન બનાવીને કરવામાં આવેલી હત્યાની તાજેતરની ઘટનાઓ સહિત કાયદા અને વ્યવસ્થાના અલગ-અલગ મુદ્દાઓ પર ચર્ચા કરવામાં આવી.

નક્સલ પ્રભાવિત રાજ્યોની સ્થિતિની સમીક્ષા

સૂત્રોએ જણાવ્યું કે, બેઠકમાં ગૃહપ્રધાને નક્સલ પ્રભાવિત અલગ-અલગ રાજ્યોમાં માઓવાદીઓ (LWE)ની વર્તમાન સ્થિતિની પણ સમીક્ષા કરી અને દેશભરમાં આતંકવાદી મોડ્યૂલના પર્દાફાશ પર પણ ચર્ચા કરી. આ બેઠક 6 મહિનામાં એકવાર ટોચના પોલીસ અધિકારીઓ સાથે મુલાકાતને લઇને ગૃહપ્રધાન દ્વારા શરૂ કરવામાં આવેલી કવાયતનો ભાગ છે.

આ પણ વાંચો: MUNDRA DRUG SEIZURE CASE : ત્રણ આરોપીઓને 10 દિવસની NIA કસ્ટડીમાં મોકલાયા

આ પણ વાંચો: ઉત્તરાખંડ પ્રવાસે ગયેલા અનેક ગુજરાતીઓ ભારે વરસાદને કારણે ફસાયા, મુખ્યપ્રધાન એક્શનમાં આવ્યા