શ્રીનગર:જમ્મુ અને કાશ્મીરની સુધારેલી મતદાર યાદીમાં બિન સ્થાનિક મતદારોનો સમાવેશ કરવાના મુદ્દે નેશનલ કોન્ફરન્સ દ્વારા બોલાવવામાં આવેલી સર્વપક્ષીય બેઠક સોમવારે પૂરી કરવામાં આવી છે. સજ્જાદ લોનની આગેવાનીવાળી પીપલ્સ કોન્ફરન્સ અને અલ્તાફ બુખારીની આગેવાની હેઠળની અપની પાર્ટીના નેતાઓએ આ પાર્ટીમાં ભાગ લીધો ન હતો. તે જ સમયે, ભારતીય જનતા પાર્ટી (BJP) એ પણ સોમવારે નેશનલ કોન્ફરન્સ દ્વારા બોલાવવામાં આવેલી સર્વપક્ષીય બેઠક સામે કાઉન્ટર સ્ટ્રેટેજી નક્કી કરવા માટે એક બેઠક (Voting Rights of Non Kashmiris) બોલાવી છે. તે જ સમયે આજે સામવારે આશ્ચર્યજનક બાબત એ હતી કે, શિવસેના એકમે બેઠકમાં ભાગ લીધો હતો. Shiv Sena participated in meeting
ક્યા નેતાઓએ ભાગ લીધો :ઉચ્ચ સુરક્ષાવાળા ગુપકર વિસ્તારમાં એનસી પ્રમુખ ફારુક અબ્દુલ્લાના નિવાસસ્થાને આજે સવારે આ બેઠક શરૂ થઈ હતી અને તેમાં NCના નેતાઓ, પીપલ્સ ડેમોક્રેટિક પાર્ટી (PDP)ના વડા મહેબૂબા મુફ્તી, કોંગ્રેસની જમ્મુ અને કાશ્મીર એકમના પ્રમુખ વિકાર રસૂલ, ભારતીય કમ્યુનિસ્ટ પાર્ટી (PDP) માર્ક્સવાદી નેતા એમ.વાય. તારીગામી અને શિવસેનાના નેતાઓએ ભાગ લીધો હતો. Farooq Abdullah Voting Rights
આ પણ વાંચો :ફારુક અબ્દુલ્લાએ ઈટીવી ભારતને કહ્યું, કાશ્મીરમાં નવા મતદારો વિશે ઘણી ગેરસમજ
વિચારધારાઓ છોડી લોકોની મદદ :શિવસેના જેકે પ્રમુખ મનીષ સાહનીએ કહ્યું કે, તેઓ તેમની વિચારધારાઓને ધ્યાનમાં લીધા વિના લોકોની મદદ કરવા માટે એકઠા થયા છે. ઉદ્ધવ ઠાકરે જૂથ સાથે જોડાયેલા સાહનીએ કહ્યું કે, જમ્મુ અને કાશ્મીર પીડિત છે અને તેઓએ સામાન્ય લોકોની મુશ્કેલીઓને સમાપ્ત કરવા માટે કામ કરવું પડશે. પીપલ્સ કોન્ફરન્સના પ્રમુખ સજ્જાદ લોનએ બેઠકમાં એટલા માટે હાજરી ન આપી, કે તેઓ પોઇન્ટ સ્કોરર બનવા માંગતા ન હતા. all party meeting kashmir
રાષ્ટ્રીય પક્ષોના નેતાઓને આમંત્રણ :નેશનલ કોન્ફરન્સના વડા ફારુક અબ્દુલ્લાએ બેઠક બાદ જણાવ્યું હતું કે, અમે સપ્ટેમ્બરમાં તમામ રાષ્ટ્રીય પક્ષોના નેતાઓને જમ્મુ-કાશ્મીરમાં આમંત્રિત કરીશું અને તેમની સમક્ષ અમારા મુદ્દાઓ રજૂ કરીશું. તેમણે કહ્યું કે, બિન કાશ્મીરીઓને મતદાનનો અધિકાર આપવો ખોટું છે. આનાથી કાશ્મીરીઓની ઓળખ પર સંકટ વધુ ઘેરું બનશે. બહારના લોકોને મતદાનનો અધિકાર આપવાનો નિર્ણય સ્વીકાર્ય નથી અને જો જરૂરી હોય તો અમે આ પગલાનો વિરોધ કરવા માટે કોર્ટનો સંપર્ક કરી શકીએ છીએ, તેમણે વધુમાં કહ્યું કે, ફારુક અબ્દુલ્લાએ કહ્યું કે, મેં LGને તમામ પક્ષોને આમંત્રણ આપવા વિનંતી કરી હતી, પરંતુ કોઈ ફાયદો થયો ન હતો. તેમણે ઉમેર્યું હતું કે, છેલ્લી વખત એલજીએ કહ્યું હતું કે, તેઓ જમ્મુ અને કાશ્મીરના નેતાઓને બોલાવશે, પરંતુ તેઓ સીધા મુદ્દા પર વળગી રહ્યા નહીં. મને આશ્ચર્ય થાય છે કે, આ માટે J એન્ડ K શા માટે પસંદ કરવામાં આવ્યું, તેનો કોઈ હેતુ હોવો જોઈએ. Farooq Abdullah holds all party meet
બિન સ્થાનિક લોકોને મતદાન :પીપલ્સ કોન્ફરન્સના વડા સજ્જાદ લોને સોમવારે કહ્યું કે, તેમની પાર્ટી જમ્મુ અને કાશ્મીરની સુધારેલી મતદાર યાદીમાં બિન સ્થાનિક લોકોને મતદારો તરીકે સામેલ કરવાના મુદ્દે વિરોધ અને ભૂખ હડતાળ કરશે. લોને આ મુદ્દે સોમવારે નેશનલ કોન્ફરન્સ (NC) દ્વારા બોલાવવામાં આવેલી સર્વપક્ષીય બેઠકમાં ભાગ ન લેવાનો નિર્ણય કરતાં કહ્યું કે, જો બેઠક બોલાવવાનો નિર્ણય ગંભીરતાથી લેવામાં આવ્યો હોત તો મીડિયામાં તેની ચર્ચા ન થઈ હોત. લોનની પીપલ્સ કોન્ફરન્સે 2018માં ભારતીય જનતા પાર્ટી (BJP) સાથે ગઠબંધન તોડી નાખ્યું હતું.
આ પણ વાંચો :જમ્મુમાં કાશ્મીરી પંડિત કર્મચારીઓનું વિરોધ પ્રદર્શન, સ્થળાંતરની કરાઇ માંગ
બેઠક માત્ર ચર્ચામાં રહેવાની કવાયત :NC અને PDP જેવા પક્ષોએ દાવો કર્યો હતો કે, વહીવટીતંત્રે તેમની મુખ્ય ચિંતાને સંબોધિત કરી નથી કે શું સામાન્ય રીતે જમ્મુ અને કાશ્મીરમાં રહેતા બહારના લોકોને પોતાને મતદાર તરીકે નોંધણી કરવાની મંજૂરી આપવામાં આવશે. ખુલાસાથી સંતુષ્ટ ન થતાં તેમણે સર્વપક્ષીય બેઠક યોજવાનું નક્કી કર્યું હતું. તે જ સમયે, લોને પત્રકારોને જણાવ્યું હતું કે, આ બેઠક માત્ર ચર્ચામાં રહેવાની કવાયત હોય તેવું લાગે છે અને તે તેનો ભાગ બનવાનું પસંદ કરશે નહીં.
