નવી દિલ્હી: ભાજપ ઉત્તર પ્રદેશ અને અન્ય ચૂંટણી રાજ્યોમાં(Uttar Pradesh election 2022) છોકરીઓ માટે લગ્નની લઘુત્તમ વય 18 વર્ષથી વધારીને 21 વર્ષ(Raising Marriage Age of Girls) કરવાના કેન્દ્ર સરકારના પ્રસ્તાવને મુદ્દો બનાવશે તેવી શક્યતાઓ છે. આ માટે ભાજપ પ્રચાર અભિયાન ચલાવવાની તૈયારી કરી રહ્યું છે.
ત્રિપલ તલાકને નાબૂદ કરવાથી ભાજપને શું ફાયદો થયો?
વડાપ્રધાન નરેન્દ્ર મોદીએ ઉત્તર પ્રદેશના મંચ પરથી પોતાના ભાષણમાં આ પ્રસ્તાવિત કાયદાનો ઉલ્લેખ કર્યો હતો. ત્યારપછી મુખ્યપ્રધાન યોગી આદિત્યનાથે પણ ઘણી વખત પોતાના ભાષણોમાં છોકરીઓની લગ્નની ઉંમર 18થી વધારીને 21 વર્ષ કરવાનો ઉલ્લેખ કર્યો છે. હવે શાસક પક્ષ બીજેપી તેને મોટા પાયા પર અભિયાન તરીકે શરૂ કરવા જઈ રહી છે, કારણ કે 2017ની ચૂંટણી પહેલા ત્રિપલ તલાકને(Triple Divorce Act) નાબૂદ કરવાથી ભાજપને ફાયદો થયો હોય તેમ લાગી રહ્યું છે.
મુસ્લિમ પ્રભુત્વ ધરાવતા વિસ્તારમાં ભાજપનો વિજય થયો છે
ઉત્તર પ્રદેશની 100 મુસ્લિમ બહુમતીવાળી બેઠકો પર, જેમાં 20થી 30 ટકા મુસ્લિમ મતદારો હતા, અંદર ખાતી મુસ્લિમ મહિલાઓએ પણ આ કાયદો હટાવવા પર ભાજપને સમર્થન આપ્યું હતું. બીજેપીની વોટ ટકાવારીને જોતાં, BSP નેતા માયાવતીએ પણ દેવબંદ, મુરાદાબાદ, ફૂલપુર અને પવઈ જેવા મુખ્યત્વે મુસ્લિમોની વસ્તી ધરાવતા વિસ્તારોમાં ભાજપના ઉમેદવારોની જીત પર સવાલ ઉઠાવ્યા હતા. તેમણે આરોપ લગાવ્યો કે EVM હેક કરવામાં આવ્યા હતા, જેના કારણે ભાજપની જીત થઈ હતી. આ બેઠકો પરની જીતથી ઉત્સાહિત ભાજપ ફરી એકવાર પ્રસ્તાવિત લગ્ન કાયદાને પ્રચારનો મોટો ભાગ બનાવવા જઈ રહી છે.
મહિલાઓની વોટ બેંક પર અસર
પાર્ટીના રાષ્ટ્રીય મહાસચિવનું કહેવું છે કે યુપી ચૂંટણી પહેલા 2017માં ટ્રિપલ તલાકને નાબૂદ કરવામાં આવ્યો હતો. યુપીમાં 100થી વધુ સીટો પર મુસ્લિમ મહિલાઓએ ભાજપને વોટ(Muslim Vote in Uttar Pradesh) આપ્યો. પાર્ટીને આશા છે કે જે કાયદાનો હાલમાં સમાજવાદી પાર્ટી અને અસદુદ્દીન ઓવૈસીની પાર્ટીના કેટલાક મુસ્લિમ નેતાઓ વિરોધ કરી રહ્યા છે, આ વખતે પણ આ પ્રસ્તાવિત કાયદો મહિલાઓની વોટ બેંક પર અસર કરી શકે છે.
અખિલેશ યાદવની પાર્ટીના કેટલાક નેતાઓએ કર્યો વિરોધ
2017માં સમાજવાદી પાર્ટીના નેતા અખિલેશ યાદવે ટ્રિપલ તલાક કાયદાનો સખત વિરોધ કર્યો હતો. આ કાયદો અલ્પસંખ્યકોની વિરુદ્ધ કહેવામાં આવ્યો હતો, જેના માટે તેમને ચૂંટણીનો માર સહન કરવો પડ્યો હતો. આ જ કારણ છે કે આ વખતે લગ્નની ઉંમર 18થી વધારીને 21 વર્ષ કરવાના પ્રસ્તાવિત કાયદાને પાર્ટીના વડા અખિલેશ યાદવે એવું કહીને ફગાવી દીધી છે કે સમાજવાદી પાર્ટી હંમેશા મહિલાઓના સશક્તિકરણના સમર્થનમાં રહી છે. પરંતુ તેમની પાર્ટીના કેટલાક મુસ્લિમ નેતાઓએ તેનો સખત વિરોધ કર્યો છે.
મુસ્લિમ બહુમતી સામે ટાર્ગેટે
જો કે ભાજપના સૂત્રો અનુસાર તો પાર્ટી તમામ નેતાઓને મહિલાઓના લગ્ન સંબંધિત પ્રસ્તાવિત(Proposed Regarding Women Marriage) કાયદા વિશે માહિતી આપી રહ્યા છે. તમામ રાજ્ય પ્રધાનઓ સહિત કેન્દ્રીય પ્રધાનઓ અને સાંસદોને પણ આ મુદ્દાને જોરશોરથી ઉઠાવવા માટે કહેવામાં આવ્યું છે કે જ્યાં મહિલાઓની વોટ બેંક વધારે છે, ખાસ કરીને ઉત્તર પ્રદેશના ચૂંટણી પ્રચાર દરમિયાન. તે વિસ્તારોને પણ ટાર્ગેટ કરો જ્યાં મુસ્લિમ બહુમતી છે.
આ પણ વાંચોઃ યુવતિઓના લગ્નની ઉંમર 18 વર્ષથી વધારી 21 વર્ષ કરવાના સંભવિત નિર્ણયને લઈ અરવલ્લીની મહિલાઓનો પ્રતિસાદ
આ પણ વાંચોઃ છોકરીઓના લગ્નની ઉંમર 18થી વધારીને 21 વર્ષ કરશે સરકાર
