નવી દિલ્હી: બજરંગ પુનિયા, વિનેશ ફોગાટ અને સાક્ષી મલિક સહિત ભારતના ટોચના કુસ્તીબાજો દિલ્હીના જંતર મંતર ખાતે વિરોધ પ્રદર્શન કરી રહ્યા છે. આ તમામ કુસ્તીબાજોએ રેસલિંગ ફેડરેશનના પ્રમુખ બ્રિજભૂષણ શરણ વિરુદ્ધ કાર્યવાહીની માંગ કરી છે. ત્યારે ભારતના એકમાત્ર ગોલ્ડમેડલ વિજેતા નીરજ ચોપરા કુસ્તીબાજોના સમર્થનમાં આવ્યા છે.
કુસ્તીબાજોના સમર્થનમાં ચોપરા: ટ્વિટર અકાઉન્ટ પર એક પોસ્ટ શેર કરતા નીરજ ચોપરાએ લખ્યું કે સડકો પર ન્યાયની માંગ કરતા અમારા એથ્લેટ્સને જોઈને મને દુઃખ થાય છે. તેઓએ આપણા મહાન રાષ્ટ્રનું પ્રતિનિધિત્વ કરવા અને અમને ગૌરવ અપાવવા માટે સખત મહેનત કરી છે. એક રાષ્ટ્ર તરીકે, અમે અખંડિતતા અને ગૌરવની સુરક્ષા માટે જવાબદાર છીએ. દરેક વ્યક્તિ, એથ્લેટ હોય કે ન હોય. જે થઈ રહ્યું છે તે ક્યારેય ન થવું જોઈએ.
આ પણ વાંચો:MS Dhoni: રાજસ્થાન સામે રમાયેલી મેચમાં કેપ્ટન કૂલ થયા ગુસ્સે, જાણો કેમ
યોગ્ય પગલાં લેવા વિનંતી:ચોપરાએ ઉમેર્યું હતું કે આ મુદ્દો સંવેદનશીલ છે અને તેનો નિષ્પક્ષ અને પારદર્શક રીતે વ્યવહાર થવો જોઈએ. તેમણે અધિકારીઓને ન્યાય મળે તેની ખાતરી કરવા માટે ઝડપી પગલાં લેવા હાકલ કરી હતી. કુસ્તીબાજોનો વિરોધ રમતગમતમાં જાતીય સતામણી અટકાવવા અને રમતવીરોના અધિકારોનું રક્ષણ કરવા માટે મજબૂત પગલાંની જરૂરિયાતને દર્શાવે છે.
આ પણ વાંચો:BCCI Central Contract: મહિલા ક્રિકેટ ખેલાડીઓના કેન્દ્રીય કરારની જાહેરાત, હરમનપ્રીત-સ્મૃતિ અને દીપ્તિ Grade ‘A’ માં
બ્રિજભૂષણ શરણ સામે વિરોધ પ્રદર્શન: ગઈકાલે પૂર્વ રાજ્યપાલ સત્યપાલ મલિક પણ કુસ્તીબાજોને મળવા પહોંચ્યા હતા, જ્યાં તેમણે કુસ્તીબાજોને સમર્થન આપ્યું હતું. વિરોધ પર બેઠેલા કુસ્તીબાજોએ સ્પષ્ટ કહ્યું છે કે જ્યાં સુધી બ્રિજભૂષણ શરણ વિરુદ્ધ એફઆઈઆર નોંધવામાં નહીં આવે અને તેની ધરપકડ કરવામાં નહીં આવે ત્યાં સુધી તેઓ અહીંથી ખસવાના નથી. જંતર-મંતર રોડ પર જ કુસ્તીબાજોએ અખાડો બનાવ્યો છે અને ત્યાં વહેલી સવારે પ્રેક્ટિસ કરવામાં આવી રહી છે. કુસ્તીબાજો ફુલ-ઓન ફાઈટમાં જોવા મળે છે.
