અમુલ પછી હવે Mother Dairyએ પણ દૂધની કિંમતમાં પ્રતિલિટર 2 રૂપિયાનો વધારો

તાજેતરમાં અમુલે દૂધના ભાવમાં વધારો કરી લોકોની સમસ્યા વધારી હતી ત્યારે મધર ડેરી (Mother Dairy)એ દિલ્હી-NCRમાં દૂધની કિંમતોમાં પ્રતિલિટર 2 રૂપિયાનો વધારો કર્યો છે. આ નવી કિંમત 11 જુલાઈથી અમલમાં મૂકાશે.

• અમુલ પછી હવે મધર ડેરી (Mother Dairy)એ પણ દૂધમાં પ્રતિલિટર 2 રૂપિયાનો વધારો કર્યો
• મધર ડેરીએ (Mother Dairy) કરેલો ભાવવધારો 11 જુલાઈથી અમલમાં મુકાશે
• મધર ડેરીએ (Mother Dairy) દૂધના ભાવમાં છેલ્લા ડિસેમ્બર 2019માં સંશોધન કર્યું હતું

આ પણ વાંચોઃઅમુલ દૂધ (Amul Milk ) માં પ્રતિ લિટરે રૂપિયા 2 નો ભાવ વધારો કરાતા વડોદરા મહિલા કોંગ્રેસે વિરોધ પ્રદર્શન કર્યો

નવી દિલ્હીઃ હાલમાં જ દૂધ ઉત્પાદક કંપની અમુલે (AMUL) દૂધના ભાવમાં પ્રતિલિટર 2 રૂપિયાનો વધારો કર્યો હતો. અને હવે મધર ડેરી (Mother Dairy)એ દિલ્હી-NCRમાં દૂધની કિંમતોમાં પ્રતિલિટર 2 રૂપિયાનો વધારો કર્યો છે. આ નવી કિંમત 11 જુલાઈ એટલે કે રવિવારથી અમલમાં આવશે. કંપનીએ એક નિવેદનમાં કહ્યું હતું કે, નવા ભાવ તમામ પ્રકારના દૂધમાં લાગુ થશે. મધર ડેરીએ દૂધના ભાવમાં છેલ્લા ડિસેમ્બર 2019માં સંશોધન કર્યું હતું.

આ પણ વાંચોઃઆ વર્ષે આઈસ્ક્રીમના વેચાણમાં નોંધાશે જંગી વધારો :ડૉ.સોઢી

અમૂલે પણ દૂધની તમામ બ્રાન્ડમાં ભાવવધારો કર્યો હતો

હાલમાં જ અમુલે દૂધના ભાવમાં વધારો કરી લોકોની સમસ્યા વધારી હતી. ત્યારે મધર ડેરીએ પણ દૂધના ભાવમાં વધારો કરતા લોકોમાં ચિંતા જોવા મળી રહી છે. અમુલે તેના દરેક દૂધમાં પ્રતિલિટર 2 રૂપિયાનો વધારો કર્યો હતો, જે તમામ અમુલ દૂધ બ્રાન્ડમાં લાગુ પડશે. અમુલની દૂધ બ્રાન્ડ જેવી કે સોના, તાજા, શક્તિ, ટી-સ્પેશિયલ સાથે જ ગાય અને ભેંસના દૂધ પર પણ ભાવવધારો કરાયો છે.