બિહારના કટિહારમાં ટ્રક અને કાર વચ્ચે અકસ્માત, 8ના મોત, 3 ઈજાગ્રસ્ત

બિહાર રાજ્યના કટિહાર જિલ્લામાં આવેલા કુર્સેલા નજીક ટ્રક અને સ્કોર્પિયો કાર વચ્ચે ટક્કર થતા 8 લોકોનું મૃત્યુ થયું છે. આ ઘટનામાં ત્રણ લોકો ઈજાગ્રસ્ત થયા હોવાના પણ સમાચાર મળી રહ્યા છે.

• બિહારના કટિહાર જિલ્લાના કુર્સેલા નજીક અકસ્માતની ઘટના
• પોલીસે ઘટનાસ્થળે પહોંચી તમામ મૃતદેહને પોસ્ટમોર્ટમ માટે મોકલ્યા
• મૃતકો અન ઈજાગ્રસ્તો બંગાળ પરત ફરી રહ્યા હતા ત્યારે અકસ્માત નડ્યો

કટિહારઃ બિહાર રાજ્યના કટિહાર જિલ્લાના કુર્સેલા નજીક ટ્રક અને સ્કોર્પિયો કાર વચ્ચે જોરદાર ટક્કર થઈ હતી, જેના કારણે 8 લોકોએ જીવ ગુમાવ્યા છે. જ્યારે 3 લોકો ઈજાગ્રસ્ત થયા છે. ઘટનાની માહિતી મળતા સ્થાનિક પોલીસ ઘટનાસ્થળે પહોંચી હતી. પોલીસે તમામ મૃતદેહને પોસ્ટમોર્ટમ માટે હોસ્પિટલ મોકલી દીધા છે.

મૃતક અને ઈજાગ્રસ્તો મૂળ બંગાળના

પોલીસ હાલમાં આ અંગે તપાસ કરી રહી છે. ત્યારે જાણવા મળ્યું છે કે, મૃતક અને ઈજાગ્રસ્ત પશ્ચિમ બંગાળના રહેવાસી છે. તેઓ લગ્ન સમારોહમાં ભાગ લઈને બંગાળ પરત ફરી રહ્યા હતા. તે દરમિયાન તેમને અકસ્માત નડ્યો હતો.