નવી દિલ્હીઃ દિલ્હી એક્સાઇઝ કૌભાંડમાં આરોપી નંબર વન બનેલા મનીષ સિસોદિયાની ધરપકડ કરવામાં આવી છે. રવિવારે તેની આઠ કલાક પૂછપરછ કર્યા પછી, સીબીઆઈએ તપાસમાં સહકાર ન આપવા અને પ્રશ્નોના યોગ્ય જવાબ ન આપવા બદલ તેની ધરપકડ કરી. હવે સોમવારે સવારે મેડિકલ કરાવ્યા બાદ મનીષ સિસોદિયાને રાઉઝ એવન્યુની સીબીઆઈ કોર્ટમાં રજૂ કરવામાં આવશે. આમ આદમી પાર્ટીના વિરોધને ધ્યાનમાં રાખીને મનીષ સિસોદિયાને વીડિયો કોન્ફરન્સિંગ દ્વારા પણ રજૂ કરવામાં આવી શકે છે.
આ પણ વાંચો:Meghalaya Nagaland Polls 2023: મેઘાલય અને નાગાલેન્ડમાં કડી સુરક્ષા વચ્ચે શાંતિપૂર્વક મતદાન શરુ
શક્તિ પ્રદર્શનની જાહેરાત: બીજી તરફ નાયબ મુખ્યપ્રધાન મનીષ સિસોદિયાની ધરપકડના વિરોધમાં આમ આદમી પાર્ટીના કાર્યકરોએ આજે શક્તિ પ્રદર્શનની જાહેરાત કરી છે. આમ આદમી પાર્ટી સોમવારે બીજેપી હેડક્વાર્ટર ખાતે વિરોધ પ્રદર્શન કરશે. આ અંગે પાર્ટીના દિલ્હી પ્રભારી ગોપાલ રાયે કાર્યકર્તાઓને એક સંદેશ જારી કરીને કહ્યું છે કે મનીષ સિસોદિયાએ દરેક સમયે તેમની ફરજ બજાવી છે. હવે સમય આવી ગયો છે કે, દરેક કાર્યકર્તાએ તેની ધરપકડ સામે ઉભા રહેવું પડશે. તેમણે દિલ્હીની તમામ વિધાનસભાના 200 કાર્યકરોને પાર્ટી હેડક્વાર્ટરમાં ભેગા થવા માટે સૂચના આપી છે. ત્યાંથી તેઓ દીનદયાલ ઉપાધ્યાય માર્ગ પર બીજેપી હેડક્વાર્ટર જશે અને મનીષ સિસોદિયાની ધરપકડનો વિરોધ કરશે.
આ પણ વાંચો:UP News: એક્સપ્રેસ વે પર બસ પલટતા 3ના લોકોના થયા મૃત્યુ, 22 ઇજાગ્રસ્ત
રસ્તા પર લગાવાયા બેરીકેટ: આ ઉપરાંત આમ આદમી પાર્ટીના સંગઠન પ્રધાન અને સાંસદ સંદીપ પાઠકે દેશભરના કાર્યકર્તાઓને અપીલ કરી છે કે, તેઓ આજે પોતપોતાના શહેરોમાં બીજેપી પાર્ટી ઓફિસમાં મનીષ સિસોદિયાની ધરપકડના વિરોધમાં વિરોધ કરે. ત્યારથી, આમ આદમી પાર્ટીના નેતાઓ અને કાર્યકરો સવારથી જ મનીષ સિસોદિયાની સાથે રાજઘાટથી CBI હેડક્વાર્ટર સુધી રસ્તા પર ઉતરી આવ્યા છે. જણાવી દઈએ કે, આમ આદમી પાર્ટીના સાંસદ સંજય સિંહ, મંત્રી ગોપાલ રાય અને ઘણા ધારાસભ્યોને પોલીસે દિલ્હીના ફતેહપુરી પોલીસ સ્ટેશનમાં કસ્ટડીમાં રાખ્યા છે. બીજી તરફ આજે આમ આદમી પાર્ટીના કાર્યકર્તાઓના વિરોધને જોતા આઈટીઓ વિસ્તારમાં સુરક્ષા વ્યવસ્થા સઘન કરી દેવામાં આવી છે. આ સાથે આમ આદમી પાર્ટીના કાર્યાલય અને ભાજપ કાર્યાલય તરફ જતા રસ્તા પર વિવિધ સ્થળોએ બેરીકેટ લગાવવામાં આવ્યા છે.
