રાજસ્થાન :ઉદયપુર જિલ્લાના સલુમ્બર વિસ્તારમાં મમતાની માતાએ પોતાના તમામ સંબંધો તોડી નાખ્યાનો કિસ્સો સામે આવ્યો છે. જે માતાએ પોતાના બાળકોને 9 મહિના સુધી ગર્ભમાં રાખ્યા હતા. બાળકોને ઉછેર્યા પછી મોટા કર્યા, પણ પ્રેમીના પ્રેમમાં એટલા પાગલ થઈ ગયા કે, મમતાનો પ્રેમભર્યો સંબંધ ભૂલી ગયા હતા. આ સમગ્ર મામલો ઉદયપુરના સલમ્બર વિસ્તારનો જણાવવામાં આવી રહ્યો છે. અહીં એક પરિણીત મહિલાનું દિલ ફાયનાન્સ કંપનીમાં કામ કરતા વ્યક્તિ પર આવી ગયું હતું. પરિણીત મહિલાને બે બાળકો છે, પરંતુ તેમ છતાં મહિલાએ તેના બાળકો અને પરિવારની પરવા કર્યા વિના ફાઇનાન્સ કંપનીના કર્મચારી સાથે લગ્ન કરી લીધા હતા.
આ પણ વાંચો :Dehradun news: દેહરાદૂન લછીવાલા ટોલ પ્લાઝા પર અચાનક દેખાયા 'ગજરાજ', હાઈવે પર અંધાધૂંધી
ફાયનાન્સ કંપનીના કર્મચારીના પ્રેમમાં પડ્યા : લોનના હપ્તા વસૂલવા ગામડે આવતી વખતે મહિલા ફાયનાન્સ કર્મચારી સાથે પ્રેમમાં પડી ગઈ હતી. તેણે 2 એપ્રિલે તેના પ્રેમી સાથે કોર્ટ મેરેજ કર્યા હતા. લગ્નના 15 વર્ષ બાદ મહિલાના આ નિર્ણયથી આખું ગામ, પરિવાર અને વિસ્તાર આઘાતમાં છે. મોટી વાત એ છે કે, મહિલા 10 વર્ષની અને 5 વર્ષની બે દીકરીઓની માતા છે. રડતાં રડતાં દીકરીઓની હાલત ખરાબ છે. તે જ સમયે, મહિલાએ એસપી ઓફિસમાં અપીલ કરી છે કે પૂર્વ પતિથી તેના અને તેના પ્રેમીના જીવને ખતરો છે.