ચંડીગઢ:ચંદીગઢ યુનિવર્સિટીમાં છોકરીઓના બાથરૂમની અંદરથી વીડિયો બનાવતી વખતે એક યુવતી રંગે હાથે ઝડપાઈ છે. આ ઘટનાનો વીડિયો યુનિવર્સિટીના જ એક વિદ્યાર્થીએ સોશિયલ સાઈટ પર પોસ્ટ કર્યો છે. યુવતી પર કોઈને વાંધાજનક વીડિયો મોકલવાનો પણ આરોપ છે. આ ઘટના બાદ ચંદીગઢ યુનિવર્સિટીના વિદ્યાર્થીઓએ રાત્રે હોબાળો (chandigarh university protests) મચાવ્યો હતો.
યુનિવર્સિટી પ્રશાસન વિરુદ્ધ સૂત્રોચ્ચાર: વિદ્યાર્થીઓએ યુનિવર્સિટી પ્રશાસન વિરુદ્ધ સૂત્રોચ્ચાર (Slogan against Chandigarh University) કર્યા હતા. હંગામાને જોતા પોલીસને ઘટનાસ્થળે બોલાવવામાં આવી હતી. યુનિવર્સિટીના વિદ્યાર્થી દ્વારા કથિત આત્મહત્યાનો પ્રયાસ પણ નોંધાયો છે. જોકે, યુનિવર્સિટી મેનેજમેન્ટે આ વાતને નકારી કાઢી હતી અને કહ્યું હતું કે, હંગામા દરમિયાન એક વિદ્યાર્થી બેહોશ થઈ ગયો હતો, તેને હોસ્પિટલમાં લઈ જવામાં આવ્યો છે. યુનિવર્સિટીની 60 વિદ્યાર્થિનીઓ નહાતી હોવાનો વીડિયો વાયરલ થઈ રહ્યો છે.
શાંતિ જાળવવાની કરી અપીલ: યુનિવર્સિટીમાં હંગામાને લઈને પંજાબના કેબિનેટ મંત્રી હરજોત સિંહ બેન્સનું ટ્વીટ સામે આવ્યું છે. તેમણે કહ્યું કે, હું તમામ વિદ્યાર્થીઓને શાંતિ જાળવવાની અપીલ કરું છું. આરોપીઓને છોડવામાં આવશે નહીં, આ ખૂબ જ સંવેદનશીલ મામલો છે. આ બાબત આપણી બહેનોની ગરિમા સાથે જોડાયેલી છે, હરજોત બેન્સે કહ્યું કે, આપણે સાવચેત રહેવાની જરૂર છે.
શું છે પુરી ઘટના:પંજાબના મોહાલીમાં શનિવારે મધરાતે ચંદીગઢ યુનિવર્સિટીમાં હંગામો થયો હતો. અહીં ભણતી એક વિદ્યાર્થીનીએ 60 જેટલી વિદ્યાર્થિનીઓ નહાતી હોવાનો વીડિયો વાયરલ કર્યો હતો. તેણે આ વીડિયો શિમલામાં રહેતા તેના મિત્રને મોકલ્યો હતો. તેણે સોશિયલ મીડિયા પર વાયરલ કર્યો હતો. આ વાતની જાણ થતાં જ 8 વિદ્યાર્થીનીઓએ આત્મહત્યાનો પ્રયાસ કર્યો હતો, જેમને તાત્કાલિક હોસ્પિટલમાં દાખલ કરવામાં આવ્યા હતા. વીડિયો મોકલનાર યુવતી અને વાયરલ કરનાર તેનો મિત્ર બંને હિમાચલ પ્રદેશના છે. પોલીસે વીડિયો મોકલનાર વિદ્યાર્થીને કસ્ટડીમાં લીધી છે.
કેન્દ્રીય મંત્રી અને ભાજપના નેતાની પ્રતિક્રિયા: AAP સાંસદ અને રાષ્ટ્રીય પ્રવક્તા, રાઘવ ચઢ્ઢાએ ટ્વિટ કર્યું, ચંદીગઢ યુનિવર્સિટીનો મામલો સૌથી શરમજનક છે. પંજાબ સરકાર આ અપરાધના ગુનેગારોને ન્યાય અપાવવામાં કોઈ કસર છોડશે નહીં. હું બધાને શાંતિ જાળવવા અપીલ કરું છું. અમે બધા તમારી સાથે છીએ અને ન્યાય થશે. કેન્દ્રીય મંત્રી અને બીજેપી નેતા સોમ પ્રકાશે પંજાબની ચંદીગઢ યુનિવર્સિટી (CU) ના કથિત 'લીક વાંધાજનક વીડિયો' વિવાદ (chandigarh university girls bathroom video viral) પર પ્રતિક્રિયા આપી છે. બીજેપી નેતા સોમ પ્રકાશે ટ્વીટ કરીને કહ્યું, દુર્ભાગ્યપૂર્ણ ઘટના. પોલીસે આ ઘટનામાં સંડોવાયેલા લોકો સામે કડક કાર્યવાહી કરવી જોઈએ જેથી કરીને આવી ઘટના ફરી ન બને.
દિલ્હીના મુખ્યમંત્રીની પ્રતિક્રિયા: આ ઘટનાની જાણ લગભગ 2.30 કલાકે થતાં પોલીસ ઘટનાસ્થળે પહોંચી હતી. જોકે, ગુસ્સામાં યુવતીઓએ પોલીસ પર પણ પોતાનો ગુસ્સો ઠાલવ્યો હતો. તેઓએ પોલીસનો વિરોધ કર્યો અને તેમના વાહનોમાં તોડફોડ કરી. હાલ કેમ્પસમાં વાતાવરણ તંગ છે. કેસની તપાસ ચાલી રહી છે. આમ આદમી પાર્ટીના સંયોજક અરવિંદ કેજરીવાલે ટ્વીટ કરીને કહ્યું કે, ચંદીગઢ યુનિવર્સિટીમાં એક છોકરીએ ઘણી વિદ્યાર્થીનીઓના વાંધાજનક વીડિયો (girls students nude bathing video viral) રેકોર્ડ કરીને વાયરલ કર્યા છે. આ ખૂબ જ ગંભીર અને શરમજનક છે. આમાં સામેલ તમામ ગુનેગારોને કડકમાં કડક સજા મળશે. પીડિત દીકરીઓમાં હિંમત છે. અમે બધા તમારી સાથે છીએ. બધા ધીરજથી કામ લે.
મોહાલીના SSP વિવેક સોનિકનું નિવેદનઃ આત્મહત્યાનો કોઈ પ્રયાસ કે મૃત્યુ થયું નથી. એક વિદ્યાર્થીનીને એમ્બ્યુલન્સમાં લઈ જવામાં આવી હતી. તેણી ચિંતિત હતી. અમારી ટીમ તેમના સંપર્કમાં છે. વિદ્યાર્થીના વિડિયો સિવાય અન્ય કોઈ વિડિયો અમારી નજરમાં આવ્યો નથી. SSP વિવેક સોનીના નિવેદનમાં કહેવામાં આવ્યું છે કે, અમને ફરિયાદ મળી છે કે, અહીં એક વિદ્યાર્થી દ્વારા વીડિયો બનાવવામાં આવ્યો છે, તેને લઈને થોડો હંગામો થયો છે, અમે આ મામલે FIR નોંધી છે. વિદ્યાર્થીને કસ્ટડીમાં લેવામાં આવી છે. આમાં એવા પુરાવા છે, જે આપણે એકત્રિત કરવાના છે. એવું પણ સામે આવ્યું છે કે, યુવતી શિમલામાં કોઈને વીડિયો મોકલતી હતી. અમે તે મામલે પણ તપાસ કરી રહ્યા છીએ અને આ વીડિયો શા માટે મોકલવામાં આવ્યો તે જાણવાનો પ્રયાસ કરી રહ્યા છીએ.
