BMC ચૂંટણી : રાસગરબાના કાર્યક્રમ બાદ 21 ઉદ્યોગપતિ શિવસેનામાં જોડાયા

મુંબઇ મ્યુનિસિપલ કોર્પોરેશનની(BMC) ચૂંટણીમાં ગુજરાતી મતદારોની ભૂમિકા મહત્ત્વની બનવા જઈ રહી છે. તમામ પક્ષો આગામી દિવસોમાં ગુજરાતી મતાદારોને આકર્ષવા માટે જોડાઇ ગયા છે. આ જ કડીમાં BMCમાં શાસક શિવસેનાનું સૂત્ર આપ્યું હતું કે, મુંબઈમાં જલેબીને ફાફડા, ઉદ્ધવ ઠાકરે અપડા. જે બાદ હવે શિવસેના દ્વારા મુંબઇમાં રાસગરબાનું આયોજન કર્યું છે. રાસગરબાના કાર્યક્રમનું 7 ફેબ્રુઆરીના રોજ મુંબઈના મલાડ ખાતે આયોજન કર્યું હતું. જેમાં 21 ગુજરાતી ઉદ્યોગપતિ શિવસેનામાં જોડાયા હતા. આ કાર્યક્રમમાં રસગરબાનું પણ આયોજન કરવામાં આવ્યું હતું. આ અંગેની માહિતી શિવસેનાના રાષ્ટ્રીય આયોજક હેમરાજ શાહે આપી છે.

• મુંબઈમાં જલેબીને ફાફડા, ઉદ્ધવ ઠાકરે અપડા બાદ શિવસેના દ્વારા રાસગરબાનું આયોજન
• શિવસેનાને ગુજરાતી ઉદ્યોગપતિઓના પ્રવેશ સાથે આર્થિક મજબૂતી મળી
• BMC ચૂંટણી અંતર્ગત શિવસેના દ્વારા અવનવા કાર્યક્રમ

મહારાષ્ટ્ર : શિવસેના ગુજરાતી મતદારોને આકર્ષવા માટે એડીચોટીનું જોર લગાવી રહી છે. શિવસેના દ્વારા મુંબઇમાં 'જલેબીને ફફડા, ઉદ્ધવ ઠાકરે અપડા' સ્લોગન હેઠળ રેલી બાદ હવે શિવસેનાએ રસગરબા દ્વારા ગુજરાતી મતદારોને આકર્ષિત કરવાનો પ્રયાસ કરવામાં આવી રહ્યા છે. રવિવારના રોજ એટલે કે, 7 ફેબ્રુઆરીના રોજ મેળાવડાનું આયોજન કરવામાં આવ્યું હતું.

21 ગુજરાતી ઉદ્યોગપતિઓ શિવસેનામાં જોડાયા

આ કાર્યક્રમમાં 21 ગુજરાતી ઉદ્યોગપતિઓ શિવસેનામાં જોડાયા હતા. શિવસેનાને ગુજરાતી ઉદ્યોગપતિઓના પ્રવેશ સાથે આર્થિક મજબૂતી મળી છે. હવે પ્રથમ રેલીમાં શિવસેનાની સફળતા બાદ ફરી એક વખત રેલી યોજીને ભાજપને ફટકો આપવાની તૈયારી કરી રહી છે.

શું શિવસેના ભાજપની વોટ બેંકને તોડવામાં સફળ થશે?

'મુંબઈમાં જલેબીને ફફડા, ઉદ્ધવ ઠાકરે આપડા' કેમ્પેઇન બાદ શિવસેનાએ ગુજરાતી ભાઈઓ માટે રાસગરબાનું આયોજન કર્યું છે. શિવસેનાના રાષ્ટ્રીય આયોજક હેમરાજ શાહે ગુજરાતી ભાઈઓ માટે આ કાર્યક્રમ 7 ફેબ્રુઆરીના રોજ મલાડમાં આયોજન કર્યું હતું. મુંબઈ મ્યુનિસિપલ કોર્પોરેશનની ચૂંટણીને હજૂ એક વર્ષ બાકી છે, ત્યારે શિવસેનાએ ભાજપના વોટ બેંકના ગુજરાતી પ્રભુત્વ ધરાવતા મતદારોને આકર્ષવા વિવિધ કાર્યક્રમો શરૂ કર્યા છે.