ગણેશ વિસર્જન દરમિયાન વીજ કરંટ લાગતા 11 લોકો દાઝ્યા

મુંબઈના પનવેલ વિસ્તારમાં શુક્રવારે રાત્રે થયેલા અકસ્માતમાં વીજ કરંટ લાગવાથી 11 શ્રદ્ધાળુઓ દાઝી ગયા હતા. તેઓને સારવાર માટે અલગ-અલગ હોસ્પિટલમાં દાખલ કરવામાં આવ્યા છે. હાલ, તેની હાલત સ્થિર જણાવવામાં આવી રહી છે. electrocuted broken generator wire

નવી મુંબઈ:અનંત ચતુર્દશીના દિવસે ( Ganesh Chautarthi 2022) પનવેલના વડઘર વિસ્તારમાં ગણેશ મૂર્તિના વિસર્જન દરમિયાન વીજ કરંટ લાગવાથી 11 ભક્તો ગંભીર રીતે દાઝી ગયા હતા. જનરેટરનો વાયર તૂટીને વિસર્જન માટે જતા લોકો પર પડતા આ અકસ્માત થયો હતો. ઈજાગ્રસ્તોને સારવાર માટે વિવિધ હોસ્પિટલમાં દાખલ કરવામાં આવ્યા છે. એવું કહેવાય છે કે, વીજ કરંટ લાગતાં શ્રદ્ધાળુઓને સબ-જિલ્લા હોસ્પિટલમાં દાખલ કરવામાં આવ્યા હતા. કેટલાક ભક્તોને પટવર્ધન હોસ્પિટલ અને લાઈફલાઈન હોસ્પિટલમાં દાખલ કરવામાં આવ્યા છે. electrocuted broken generator wire

તમામ લોકો એક જ પરિવારના :આ ઘટના ગઈકાલે શુક્રવારે સાંજે 7.30 વાગ્યાની વચ્ચે વડઘર ખાડી પાસે બની હતી. વીજ કરંટની ઘટનામાં ઈજાગ્રસ્ત થયેલા લોકો એક જ પરિવારના છે. ગણેશ પૂજા બાદ મૂર્તિનું વિસર્જન કરવા દરેક લોકો ઘરે જઈ રહ્યા હતા. વડઘર નાળાના કિનારે આવેલા સ્મશાન પાસે જનરેટરનો વાયર હાથગાડી પર પડતાં આ અકસ્માત સર્જાયો હતો.